... эки өлкө ортосундагы кызматташтыкка байланыштуу бир топ маселелерди талкуулады.
Кыргыз-кытай чек арасындагы "Торугарт" көзөмөл-өткөрүү пунктунун ишин тез арада жандантуу маселесин эки өлкөнүн тышкы иштер министрлери таркуулады. Бул тууралуу Кыргызстандын тышкы саясат ведомствосунун маалымат кызматы кабарлады.
Билдирүүгө караганда, министр Чыңгыз Айдарбеков кытайлык кесиптеши Ван И менен телефон аркылуу сүйлөшүп, чек ара пунктунун ишин жаңылоодон тышкары кыргыз-кытай биргелешкен инфраструктуралык долбоорлорду ишке ашыруу үчүн кытай адистеринин келишин дагы талкуулашты.
Айдарбеков менен Лавров туруктуу авиакаттамдарды жандантууну сүйлөшүштү
Ошондой эле коронавирустук инфекциянын макроэкономикага тийгизген терс таасиринен улам Айдарбеков Ван Иге тышкы карыздын оор жүгүн жеңилдетүү маселесинде көмөк көрсөтүү өтүнүчүн билдиргени айтылат маалыматта.
Сөзүнүн аягында Айдарбеков коронавирус менен күрөшүүдө Кыргызстанда олуттуу гуманитардык жардам көрсөтүп жаткандыгы үчүн кытай тарапка ыраазычылык айткан.
Дагы: https://sputnik.kg/politics/20200819/1049365822/chyngyz-ajdarbekov-kytajlyk-kesipteshi-sujloshuu.html