Президент Садыр Жапаров бүгүн, 24-февралда, биринчи чет элдик иш сапары менен Москва шаарына барды. Бул тууралуу мамлекет башчынын маалымат кызматынан билдиришти.
Иш сапардын жүрүшүндө Садыр Жапаров РФ лидери Владимир Путин менен сүйлөшүүлөрдү жүргүзөт.
"Ошондой эле мамлекет башчынын Россия өкмөтүнүн төрагасы Михаил Мишустин, Федерация кеңешинин төрайымы Валентина Матвиенко жана Мамлекеттик Думанын төрагасы Вячеслав Володин менен эки тараптуу жолугушуулар пландаштырылган", — деп айтылат маалыматта.
Мындан тышкары, Россиянын бизнес коомчулугу, ошондой эле Россиядагы мекендештер жана кыргызстандык студенттер менен жолугушуулар күтүлүүдө.
Кыргызстандын президентин кимдер коштоп кеткенин да билип алыңыздар.
Жолугушуунун жүрүшүндө Жапаров Россиянын президенти Владимир Путин менен сүйлөшүүлөрдү жүргүзүп, эки тараптуу кызматташтыктын актуалдуу маселелерин талкуулайт.
Кыргызстандын президенти Садыр Жапаров россиялык кесиптеши Владимир Путин менен жолукту.
Бул тууралуу РИА Новости кабарлап, сүрөтүн жарыялады.
Маалыматка караганда, Жапаров Путинди ага ылайыктуу күнү Кыргызстанга иш сапары менен келип кетүүгө чакырган.
"Учурдан пайдаланып сизди Кыргызстанга чакырам. Сизге ылайыктуу болгон күнү биздин өлкөгө расмий сапарыңыз менен келип кетиңиз", — деди Жапаров.
Ал эми Путин чакыруу үчүн ыраазычылык билдирди.
Дагы: https://sputnik.kg/politics/20210224/1051571570/sadyr-zhaparov-putin-menen-zholuktu.html