Дарыгерлердин кесиптик майрамынын урматына уюштурулган облустук салтанатка КРнын Өкмөтүнүн Баткен облусундагы ыйгарым укуктуу өкүлүнун орун басары Чынара Саттарова катышып, куттуктап, бир катар медицина кызматкерлерин КРнын Саламаттыкты сактоо министрлигинин, КРнын Өкмөтүнүн Баткен облусундагы ыйгарым укуктуу өкүлүнүн сыйлыктарын тапшырды.

Учурда областын калкына 4 үй-бүлөлүк дарыгерлер борбору, 6 жалпы дарыгерлик- практикалык борборлору, 88 үй-бүлөлүк дарыгерлер топтору, 95 ФАП, 4 аймактык ооруканалар, 3 кургак учукка каршы күрөшүү борборлору, областтык тиш дарыгерлер эмканасы, областтык ВИЧ-СПИД оорусун алдын алуу борбору, областтык суд.мед.экспертиза, областтык медициналык маалымат борбору жана район, шаардык санитардык-эпидемиологиялык көзөмөл борборлору тарабынан медициналык жардам көрсөтүлүүдө.

Облуста 828 дарыгер, 3807 орто медициналык кызматкерлер эмгектенишет.

2017-жыл ичинде областыбызга 29 жогорку билимдүү медициналык адистер келип, иштеп жатышат.

Акыркы 2 жылда саламаттык сактоо тармагынын материалдык- техникалык базасын чыңдоо боюнча бир топ алгылыктуу иштер аткарылды.

Баткен областтык бириккен ооруканасына көз дарылоо бөлүмүн ачуу жана медициналык жабдыктар менен камсыздоо боюнча Кыргыз Республикасынын улуттук кызыл-ай коому тарабынан 48 млн636 миң560 сомдук инвенстиция тартылып, көз дарылоо бөлүмүнө оңдоо-түзөө иштерине 490 миң сом акча каражаты жумшалган. Ал эми 10 млн944 миң653 сомдук жандандыруу авто унаасы, 1млн032 миң162 сомдук жасалма дем алдыруучу аппарат, 4 млн307 миң225 сомдук медициналык жабдыктар менен камсыздалып, учурда медициналыккызмат көрсөтүп келүүдө. Мындан сырткары гинекология жана жугуштуу оорулар бөлүмүнө 631миң112 сом акча каражаты каралып, суу түтүктөрү оңдолду.

2017-жылга Баткен шаарында сметасына 250 ооруну кабыл алуучу уй- булолук медицина борборунун имараты бүкөрүлдү жана азыркы учурда пайдаланууга берилүүнүн алдында турат.