Бүгүн:

Акыркы кабарлар

21:07
Биринчи жолу. Кыргызстан өз акчасына сооттолгон 40 техника сатып алды
21:06
Жапаров мэр, акимдерди өзү дайындамай болду, акимдин укуругу узарды. Жаңы мыйзам
21:03
Таштандыдан мүлккө чейин. Жапаров аткаминерлердин негизги милдетин атады
21:02
Туризмди өнүктүрүү үчүн укугу кеңири фонд түзүлүп, ага 1 млрд. сом бөлүнөт
23:54
ЖКга шайлоо. Екатеринбургдагы Башкы консулдук Тюмень шаарына жумушчу сапар уюштурду
23:47
Дарыгер баланы суперинфекциядан кантип сактаса болорун айтты
23:47
Кыргыз-тажик чек арасындагы чыр. ИИМ иликтөөсүнүн жыйынтыгы эмне болду
23:46
Бийлик Бишкек менен аймактарда көмүрдүн баасын бекитти. Канчадан ашпаш керек?
16:15
Электр энергиясы жана жылуулук үчүн жаңы тариф
16:05
Кыргыз эл акыны Майрамкан Абылкасымованын сөөгү жерге берилди
16:02
Акылбек Жапаров Кара-Кечедеги абалды көрүп, тартип керектигин эскертти
23:23
Энергетика министрлиги керектөөчүлөр үчүн электр энергиясына болгон тарифтер тууралуу түшүндүрмө берди
23:22
Кыргызстан Түркиядан тик учак жана катер сурады
23:20
Акылбек Жапаров: президенттик администрациянын түзүмү толугу менен өзгөрөт
23:39
Жапаров дүйнөлүк коомчулукту Афганстандын көп улуттуу элине ар тараптуу жардам көрсөтүүгө чакырды
23:38
Жапаров дүйнөлүк коомчулукту Афганстандын көп улуттуу элине ар тараптуу жардам көрсөтүүгө чакырды
23:34
Кыргызстан эл аралык издөө тобуна кошулуу үчүн Түркиядан жардам сурады
23:32
Жапаров КМШ жана башка уюмдардын байкоочуларын парламенттик шайлоого чакырды
12:40
Садыр Жапаров Евразиялык экономикалык кеңештин кезектеги жыйынына онлайн катышат
12:38
Шайлоого катышмак болгон 75 партиянын 23ү калды. Тизме
12:37
УКМК: 39 киши өлгөн терактыны каржылаган делип кыргызстандыктар кармалды
19:26
ЖК комитети президенттин жаңы өкмөт боюнча сунушун колдоду
19:25
Шаардык сот Темир Сариевди 30-ноябрга чейин абакта калтырды
19:19
Кыргызстан делимитация процесси бүтмөйүнчө Тажикстан менен чектешкен аймактарда бизнес жүргүзүүгө тыюу салды
19:18
Сентябрда ири компаниялар 460 млн сомдук салыкты бюджетке аванс катары төлөшкөн
19:17
Президент Жапаров парламенттик шайлоого байланыштуу жалпы республикалык кеңешме өткөрөт
19:15
Акылбек Жапаров өкмөттү да, президенттик администрацияны да жетектемей болду
19:12
Министрлер кабинетинин жаңы курамына кимдер кирди? Тизме
19:10
Мигранттарга Россияда жүрүү жана жарандык алууну жеңилдетүү каралууда. Шарты
19:10
"Акыркы көч" тасмасы Сан-Паулодогу беделдүү сынакта ат салышат
19:09
Чолпонбек Абыкеев мамлекеттик катчылыктан кетип, жаңы кызматка дайындалды
22:39
АКЫН АЛЫМКАН ДЕГЕНБАЕВАНЫН КИТЕП-СҮРӨТ КӨРГӨЗМӨСҮ ӨТӨТ
22:34
Кыргызстан MegaCom боюнча арбитраждык соттон утуп чыкты
22:33
Министрлер кабинети эми жаңы эреже менен иштейт. Мыйзамга президент кол койду
13:28
Түндө Таластагы мейманканага эркек киши кол салып, конокторду кууп чыккан
13:27
Милиция саясатка аралашпасын! ИИМде шайлоо алдында кеңешме өттү
13:26
Кышка чейин аба ырайы кандай болору айтылды
13:26
Кыргызстандын футболдук союзу президент Садыр Жапаровго кайрылды
14:39
Кыргызды даңазаладыңар! Президент Мээрим менен Айперини куттуктады
14:37
Улуттук банктын алтын-валюталык резерви рекорддук көлөмгө жетти
23:31
“Улуттук энергохолдинг” Тажикстандан электр энергиясын импорттоо боюнча түшүндүрмө берди
23:25
"Кыргыз көмүр": Кара-Кече көмүрүнүн баасы дагы түшөт
23:25
Мээрим Жуманазарова алгачкы атаандашын далысын жерге тийгизип утту
23:24
Министрлер кабинети жана жергиликтүү бийлик жөнүндө мыйзамдар кабыл алынды
23:23
"Коопсуз шаардын" көчмө радарлары коюлган жерлердин даректери
Бардык кабарлар

Алтынга тете байлык тоодо таштанды болуп жатат. Малчы Акматов менен маек

Экономика / Коом жана проблемалар
50
0

Ысык-көлдүк Баатырбек Акматов Тоң районунда жүздөгөн уяң жүндүү меринос кой багып, өлкө аймагына жайылтып келет. Ата жолун улаган ишкер эт, жүн багытындагы майда жандыктардан киреше таап, өзүнүн чарбасында агротуризмди жакшы жолго салган.

Койчулардын дүйнөлүк ассоциациясынын мүчөсү менен Sputnik Кыргызстан агенттигинин кабарчысы маек курду.

— Көп жылдан бери меринос койлорду багып келесиз. Тажрыйбалуу малчы катары айтсаңыз, меринос менен азыр эл көп баккан кара койдун кандай айырмачылыктары бар?

— Биз баккан мериностор эт, жүн багытындагы койлор. Мунун жүнүн, терисин иштетсек бир топ сапаттуу продукцияларды даярдай алабыз. Ал өлкөдөгү туризмдин өнүгүүсүнө да жакшы таасир этүүдө. Мисалы, ак койдун жүнүнөн боз үйдүн кийиздери, кыргыздын улуттук кийим-кечеси, белек-бечкектер жасалууда. Союз тарагандан кийин Кыргызстанда жүн, тери иштетилбей калып меринос койлор бааланбай калган. Анын айынан саны дагы азайып, көпчүлүгүбүз оңой багылган малга өтүп кеттик. Биздин мериностор март, апрель айында тууйт. Жазгы туутта күн жылып калгандыктан козулар бат тыңыйт. Кара койлордун козуларына салыштырмалуу кичине назик болуп, жоош. Ошондуктан алгачкы жумаларда жакшы карап коюш керек. Себеби жүнү жок жылаңач туулат, суукка байымы жок. Азыр элдин көбү кара кой багат, аны кырктырганың 50 сом, жүнүн эч ким албайт. Мунун айынан жайлоонун баары кара койдун жүнүнө толуп кетти. Ал эми мериностун бир килограмм жүнү орточо 200 сом болуп жатат. Айыл жеринде бир башты 50 сомдон кырктырса, 150 сому дары-дармегине жетип калат. Ошондой эле ак койдун майы аз, кара эти көп болот.

— Чарбаңыздагы 500дөй баш мериностон жылына канча жүн аласыз? Сатуу, кайра иштетүү жагы кантип чечилип жатат?

— Бир койдон 4-5 килограммга чейин жүн алабыз. Эгер жыл жаанчыл болбосо кочкорлордун жүнүнүн узундугу 13-14 сантиметрге чейин жетет. Жылына 1,5 тоннадай жүн кыркылат. Жүндү көбүнчө жергиликтүү кол өнөрчүлөр алат. Өзүмдүн бир тууган эжем кездеме токуп, улуттук кийим-кече тигип Европадагы сынактарга чейин катышып жүрөт. Ошондой эле Кыргызстанда түзүлгөн меринос өстүрүүчүлөрдүн ассоциациясынын мүчөлөрү менен биргеликте тазалап жуугандан кийин суроо-талап болгон ишканаларга сатабыз. Негизи Кыргызстанда ири көлөмдө сатып алып кайра иштеткен завод-фабрика болгондо аябай жакшы болмок, карапайым эл жумуш менен камсыз болуп кошумча каражат да тапмак. Союз маалында меринос койдун жүнүнөн кышкы дубленка, бут кийимдер жасалчу. Азыр алтынга тете продукциябыз тоодо таштанды болуп жатат, өзүбүз болсо чет элдик жасалма булгары сатып алып жатабыз. Терисин иштетсек койдун баасынан көп киреше таба алабыз.

Овцы породы Меринос животновода из Тонского района Иссык-Кульской области Баатырбека Акматова
 

— Кыргызстанда меринос койлор союз учурунда миллиондоп багылып келген эмеспи. Анын санын көбөйтүүгө кызыккан малчылар барбы?

— Меринос койду Кыргызстандын бүт облусунда бакса болот. Анткени ак кой союз учурунда эле бир топ изилденген. Ошол учурда бизде 13 миллиондой меринос кой бар эле. Ал көрсөткүчкө жетүү үчүн көп убакыт керек, жүн, эт, терисин кайра иштеткен завод куруу зарыл. Шарт түзүлүп, баасы жакшы болсо, эл бат эле мериноско ыктап кетет. Кыргызстанда жылдан-жылга ага кызыккандар көбөйүүдө. Акыркы эки-үч жылдан бери асыл тукум чарбабыздан республиканын булуң-бурчунан тукумга деп меринос кочкорлорду алып кетип жатышат.

— Ал эми сырттан жаңы породаларды алып келип, Кыргызстандагы мериносторго кошуу аракеттери болуп жатабы?

— Биздин чарба окумуштуулар, илимий изилдөө мекемелери менен иштешип Россиянын Ставрополь шаарындагы асыл тукум заводунан урук алып келип уруктандырып жаңы порода алганбыз. Анын негизинде кан жаңырып, жүндүн, этинин сапаты кыйла жакшырды. Ошону азыр өлкө аймагына таратып жатабыз. Себеби Кыргызстан эгемендүүлүк алган 30 жылдан бери биздин мал жандыктарыбыздын каны алмашпай майдаланып кеткен. Кудайга шүгүр, Кыргызстанга жылкы, бодо малдын жаңы породалары алып келинип жатат, бирок кой-эчкиге узак убакыт бою көңүл бурулбай калган.

Мен дүйнөлүк малчылардын мүчөсүмүн. Жыл сайын ар кайсы мамлекеттен келген койчулар Болгарияда чогулуп, үч күндүк иш-чарада орчундуу маселелер талкууланып тажрыйба алмашабыз. Ал жактан кесиптештер менен кызматташууну сөз кылабыз, бирок баары эле келип акчага такалат, негизи буга мамлекеттен колдоо керек. Германиядан сапаттуу бир баш кочкорду алып келгенге эле 1500 евро кетет. Анан ал сөзсүз карантинге алынат, атайын текшерүүдөн өтөт, климатка акырындык менен көнүшөт. Чоң койлорго караганда козулар биздин шартка бат эле көнүп кетет. Ошончо чыгынып алып келип жаткандан кийин көп кочкор алып келишиң керек.

— Мындай мамиле менен сандан сапатка өтүүгө, аз мал багып көп киреше табуу мүмкүнчүлүктөрү ачылат экен да?

— Ооба. Мисалы Европада койдун эт, жүн, тери жана сүт багытындагы породалары бар экен. Биздеги мериностор эт, жүн багытында гана. Сырттан келген койлордун сүтүнөн эле мыкты сыр жасалат, эти бар. Жүнүнөн кездеме, терисинен бут кийим, кышкы кийим жасаса болот. Соңунда бир малдан эле төрт түрдүү продукция алганга мүмкүнчүлүк бар. Аны алып келсек, элге бир топ эле пайда болмок. Кыргызстандык малчылар сандан сапатка өтө албай жатабыз. Азыр 100 кой баккандан көрө сапаттуу 50 кой багып андан киреше көрсө болот. Мындай мамиле биздин жайыттарга да жакшы таасир этмек.

Животновод из Тонского района Иссык-Кульской области Баатырбек Акматов на выставке
 


— Бул ишти Социалисттик эмгектин баатыры, атаңыз Таштанбек Акматов баштаган эмеспи. Жолун улап кетүү жеңил эле болдубу?

— Биз эми кичинекей кезибизден бери аралашып жүргөндүктөн андай оорчулуктарын деле сезген жокпуз, бирок жоопкерчилик чоң. Себеби атабыз республикалык гана эмес, союздук деңгээлдеги таанымал адам. Азыр атам Сырт өрөөнүндө ак топоз багып жатат.

Союз учуруна салыштырмалуу кичине кыйынчылыктар бар. Ал кезде мамлекет тоют даярдап, жүндү, этти сатып, мал сарайларды оңдоп, чабандардын көчүп-конгонуна чейин уюштуруп берчү. Кийин мунун баарын өзүбүз жасагандыктан меринос кой баккандар азайып кеткен.

— Таштанбек Акматовдун жана сиздин жолуңузду улай турчу балдарды тарбиялап жатасыздарбы?

— Буюрса бала-бакырабыз кичинекейин эле биздин чарбалык иштерге аралашып жүрөт. Азыр адам кандай гана кесипке ээ болбосун бирөөнө көз каранды болбой тың жашап кетиши керек деп ойлойм. Эгер андайга шарт, мүмкүнчүлүк болуп, кылган иши келечектүү болуп жатса жаштар ага бат эле ооп, качпайт болуш керек.

— Мал чарбачылыгы менен биргеликте элетте агротуризмди жолго салып алган экенсиз. Чарба иши менен катар эс алуучуларды кабыл ала баштаганыңызга эмне себеп болду?

— Азыр бир тараптуу иш жүргүзүүгө мүмкүн болбой калды. Анткени мал чарбачылыгынын кирешеси жазында кыркканда, күздө этке сатканда түшөт. Ошого байланыштуу агротуризмди да кошо алып баруу үчүн үйдөгү бир-эки боз үйдү тигип, келген эс алуучуларга ат мингизип, аларды күнүмдүк чарбалык иштерибизге аралаштырганбыз. Анткени кыргыздын күндө жасаган иштеринин баары эле даяр туристтик продукция болуп эсептелет. "Эмне үчүн биз күндө жасаган ишибизден пайда таппашыбыз керек" деген суроолор жаралды. Эгер адам туристтик ишмердүүлүктү туура, эрежеси менен жүргүзсө кошумча пайда тапса болот экен. "Жайчы" деген боз үй лагерин ачканыбызга 15 жылдан ашты. Сезон учурунда онго жакын адам жумуш менен камсыз болот. Эс алганы дүйнөнүн көптөгөн мамлекеттеринен келишет. Аларга өзүбүздүн азык-түлүктөн тамак жасап берип кооз жаратылышты көрсөтөбүз. Биздин жашоо образыбыз, тиричилигибиз чет элдиктерди аябай кызыктырат, аралашып көрүшөт. Өткөн жылдан бери пандемияга байланыштуу кичине ишибиз токтоп калды.


скачать dle 11.0фильмы бесплатно
18+ © 2016 - Все права соблюдены.
Любое копирование, в т.ч. отдельных частей текстов или изображений, публикация и републикация, перепечатка или любое другое распространение информации, в какой бы форме и каким бы техническим способом оно не осуществлялось, строго запрещается без предварительного письменного согласия со стороны редакции. Во время цитирования информации подписчиками ссылки обязательны. Допускается цитирование материалов сайта без получения предварительного согласия, но в объеме не более одного абзаца и с обязательной прямой, открытой для поисковых систем гиперссылкой на сайт не ниже, чем во втором абзаце текста.
счетчик счетчик