Бүгүн:

Акыркы кабарлар

12:57
Дагы 12 киши коронавирусту жеңип чыкты
12:44
Жети-Өгүздө төрөт үйүн обсервацияга айландыруу чечими жокко чыгарылды
12:11
Коомдук транспорт 25-майдан баштап эл ташыйт. Талаптар
12:10
"Дордой" баштаган ири базарлар ишке кирет. 25-майдан тарта жанданчу тармактар
12:09
Боронов сырттан келгендерге кайрылып, медиктердин талабын аткарууну өтүндү
12:08
Көбөйүп жатат. 32 жүк ташуучу айдоочудан коронавирус табылды
14:42
КР энергетикасы жар учунда турат. Эксперттин билдирүүсү
14:34
Чуу салса эле обсервациядан чыгабы? "Гансидеги" жаңжал боюнча Үсөнбаевдин жообу
14:31
Нарында 8 милиция кызматкеринен коронавирус чыкты
13:18
Путин Россиядагы мусулмандарды Орозо айтты үйдөн белгилөөгө чакырды
12:40
Өлкөдө кооптуу кырдаал сакталып турат. Жээнбеков Бороновду кабыл алды
12:36
23ү каттоого жетишпей калган. Аскат Алиев мекенге келген мигранттар боюнча үн катты
12:33
20-майда Оренбургдан мекендештердин дагы бир тобу алып келинет
12:32
Обсервацияда чуу салгандар менен министрликтин өкүлдөрү жолукту.
12:31
Абылгазиев обсервацияда чуу салган жарандарга кайрылды
12:28
Шектүүлөр текшерилет. Облус башчысы Ысык-Көлгө кирип-чыгуу шарты тууралуу
11:08
Россия Кыргызстанга ракеталык комплекс жана тик учак берери пландалууда
10:55
АКШ коронавирусту организмге жолотпой "чыгарып салган" антителону тапты
10:33
Москвадан 402 кыргызстандык учуп келет. Арасында майып, оорулуулар бар
09:41
Антисептикалык каражаттын ордуна айнек жуугуч. Мэрия тартип бузгандарга айып салды
12:26
Чет өлкөдөн кайткан жарандар текшерүүгө кантип алынарын штабдан айтып беришти
12:12
Эки күндө Санкт-Петербург шаарынан 312 кыргызстандыкты алып келишти
12:08
Өткөн сутканын ичинде 38 адам коронавирустан айыгып чыкты
11:53
Каркыра жайлоосуна милиция посту ачылды. Эмне иш аткарат?
11:43
Отунбаева COVID-19дун вакцинасын бекер таратууга чакырган документке кол койду
11:38
Жайкы сезондо акча тапкан көлдүктөр быйыл эмне болот. Ички туризмге үмүт артып
16:16
Ат-Башыда коронавирус жуктургандардын 90%дан ашыгы айыкты
16:14
Министрлик киришти! Нарында төрөт үйүндө вирустун жайылышын комиссия иликтөөдө
16:04
Түркиядан Кыргызстанга 330 мекендеш алып келинди
16:03
Суу кечип, куюнда калып, Нарын суусунун үстүнөн зым тарткан энергетиктер
15:50
Коронавирус Нарында жайылууда. Оору катталган район, шаарлардын тизмеси
15:42
Франкфурт-на-Майне шаарынан 59 кыргызстандык учуп келди
15:40
Бүгүн кечинде Москвадан 147 кыргызстандык учуп келип, обсервацияга алынды.
15:39
Милициянын Кувейт жана Катардан келген кыргызстандыктарды тосуп алган видеосу
15:35
Бажы кызматы Кытайга "Торугарт" өткөрмө пунктун ачууну сунуштады
15:10
Бишкекке Япония менен Кореядан кыргызстандыктар учуп келди
14:54
Мектептеги ысык тамактын азык-түлүгү окуучулардын үй-бүлөсүнө таратылууда
14:45
COVID-19 менен алышкан медиктер. Мартка каралган 38,8 млн. сом дарегине жеттиби?
14:35
Биринчи мыйзам каралбай калган. Шайлоо босогосу боюнча жаңы демилге сунушталды
13:01
Бишкекте карантинге карабай соода борбору эшигин ачты. Чоо-жайы
12:59
Министр Жунушалиев: милиция бет кап тагынбагандарга айып салбайт
12:58
Атамбаевдин Сапар Исаков баш болгон тарапташтарынан коронавируска тест алынды
15:37
Жакшы кабар! Акыркы суткада бир да медиктен коронавирус аныкталган жок
15:25
Россиядагы мекендештерди кайтаруу үчүн бийлик кандай аракет көрүүдө
15:13
Абылгазиев: башкача буруп жиберишкен. Милиция менен күч түзүмдөрү компенсация алат
Бардык кабарлар

Бир күндүк эс алууга зар болдук. COVID-19ду ооздуктап жүргөн медайымдын маеги

Интервью
7
0

50 күндөн бери дем алышсыз иштеп, жашоосу оорукананын ичинде өтүүдө. Ал коронавирусту толугу менен жеңип үйүнө барган күндү майрам деп эсептей турганын айтат.

Ошондой эле Дүйнөлүк саламаттыкты сактоо уюму 2020-жылды медайым жана акушерлердин эл аралык жылы деп жарыялаган. Бүгүн медайымдар кесиптик майрамын иш үстүндө тосушат. Анткени алардын мойнунда чоң милдет турганы баарыбызга маалым.

Sputnik Кыргызстандын кабарчысы майрамдын алдында медайым Жакут Орозалиева менен маек курду. Анын күндүзү убактысы тар болгондуктан, кечки саат 21.00дөн кийин гана байланышууга мүмкүн болду.

— Сиз иштеген ооруканага алгачкы бейтап качан түштү?

— Биздин оорукана мартта атайын госпиталь болуп ачылган. Алгачкы бейтапты 23-мартта алып келишти. Биз ошол боюнча үйгө бара элекпиз. Ооруканада 108 медайым, 84 кенже медкызматкер иштеп жатат, дарыгерлерди кошкондо 200дөн ашат. Ооруканадан чыгыш үчүн анализ тапшырып, 10 күн обсервацияда жатыш керек. Баары таза чыкса анан коё берет. Бирок азыр үйүнө эч ким кете элек. Оорукананын ичинде бейтаптардын өзүнчө бөлүмү, биздин өзүнчө жатаканабыз бар. Жумушу бүткөндөр таза зонага келип эс алат.

Медсестра в Республиканской клинической инфекционной больнице (РКИБ) Жакут Орозалиева
© ФОТО / ПРЕСС-СЛУЖБА МИНИСТЕРСТВА ЗДРАВООХРАНЕНИЯ КР
Жакут Орозалиева медайымдык иштерди башкаруу боюнча башкы дарыгердин орун басары Айнек Калдыбаева менен

— Иш процесси тууралуу айтып берсеңиз, медайымдар кандай жумуштарды аткарат?

— Биздин ооруканада 10 бөлүм бар, ар бири 20 бейтапка ылайыкташкан. Бир бөлүмгө дарыгер, медайым жана кенже медайымдан турган бригада кирип алты саат жүрөт. Коронавируска кабылгандарды дарылоодо башка оорулардан айырмасы өздүк коргонуучу каражат чоң роль ойнойт. Аны туура колдонгонду билиш керек. Чыккандан кийин костюмун чечип, атайын бакка салып зыянсыздандырышат. Өзүбүз да душка түшүп бир сыйра чайканып алып, анан жатаканага келип эс алабыз.

Менин адистигим инфекцияны көзөмөлдөө болгондуктан бригада менен алты саат жүрбөйм. Бөлүмдөргө киргенде коргонуучу каражаттардын туура колдонулушун, палаталардын дезинфекцияланышын көзөмөлдөп турам. Ошондой эле бейтаптардын дене табын өлчөп, дарыгер жазган дарыны берип, капельница коюп жана тамак-ашын да алып кирип беребиз.

 

Бир жакшы жери палаталарда рециркулятор орнотулган, ал бөлмөдөгү абаны тазалап, вирустарды зыянсыздандырып турат. Бул да бир аз кооптуулукту азайтат.

Өзүбүзчө отурганда кварц лампасы (жарык менен дарыланганда колдонулат — ред.), дезинфекциялык каражаттар, коргонуучу костюмдар биздин досубузга айланды деп күлүп калабыз.

— Башында бул оору менен күрөшүү кандай болот деп элестеттиңиз эле?

 

— Мен жумушка башында даярданып эле келгем, бирок ушунчалык көпкө созуларын күткөн эмесмин. Азыркыдай кырдаал 16 жылдык тажрыйбамда биринчи жолу болуп жатат.

 

Мурда жумасына бир эле күн, жекшембиде эс алчубуз. Аны аз, эч нерсеге жетишпейбиз деп нааразы болор элек. Азыр ошол бир күндүк эс алууга дагы зар болуп жатабыз. 23-марттан бери бизде ишемби, жекшемби же майрам деген болбойт. Күнүгө иштеп жатабыз. Эми чыксак такыр антип нааразы болбойбуз деп күлүп отурабыз.

— Бактыга жараша сиз иштеген Республикалык жугуштуу оорулар ооруканасында коронавирус жуктурган бир дагы медицина кызматкери катталбаптыр. Сиздер кантип коргонуп жатасыздар?

— Биз башында өздүк коргонуучу костюмдарын кантип туура кийүү керектигин көрсөтүп өзүбүз видео тартканбыз. Оорукананын ичинде кир, таза зона да экиге бөлүнүп лента тартылган. Коргонуучу костюму жок кир зонага киргенге болбойт. Сунушталган эрежелерди так сактоого аракет кылуудабыз. Эгер аягына чейин бир дагы кесиптешибиз ооруну жуктурбай, эсен-соо үйүнө барса, биздин жеңишибиз ошол. Ошондо гана бизге майрам болот.

Медсестра в Республиканской клинической инфекционной больнице (РКИБ) Жакут Орозалиева
© ФОТО / ПРЕСС-СЛУЖБА МИНИСТЕРСТВА ЗДРАВООХРАНЕНИЯ КР
Республикалык жугуштуу оорулар клиникалык ооруканасынын медицина кызматкерлери 50 күндөн бери үйүнө бара элек

— Иш графигиңиз бүткөндөн кийин жок дегенде оорукананын короосуна чыга аласыздарбы?

— Короого бир аз чыгышыбыз мүмкүн. Бирок кенен басып сейилдөөгө тыюу салынат.

— Коронавирустун жеңил түрүн жуктургандар өзү басып-туруп жүрө берет да. Аларга кандай талаптар коюлган?

— Сигнал кнопкалары бар, бир нерсе керек болсо басканда кайсы палата экени көрүнөт, кээ бирлери эшикти такылдатып чакырат. Кээде телефон аркылуу байланышабыз. Бейтаптарды коридорго коп чыгарбайбыз. Алар жаңы түшөрү менен бет кап тагынат, ар эки саат сайын жаңы бет кап берип турабыз. Эскиси залалсыздандырып, ыргытылат.

 

Ар кандай мамиле жасаганы болот. Алардын абалын түшүнүп, унчукпайбыз.

Айыгып чыкканда аябай алкышын айтып, үйүнө баргандан кийин дарыгерлерге ыраазычылык каттарын, видеолорду жөнөтүп турушат.

Медсестра в Республиканской клинической инфекционной больнице (РКИБ) Жакут Орозалиева
© ФОТО / ПРЕСС-СЛУЖБА МИНИСТЕРСТВА ЗДРАВООХРАНЕНИЯ КР
Медайымдар бүгүнкү кесиптик майрамын иш үстүндө тосушат

— Үй-бүлөңүз көп тынчсызданбай элеби, сизге эмне деп жатышат?

— Бошоп калганда телефон аркылуу бир туугандарым, жакындарым менен сүйлөшүп турам. "Эртерээк үйгө кел" деп айтышат. Качан кетерибизди өзүбүз деле билбейбиз да, "буюрса жакында барабыз" дегенден башка эч нерсе айта албайбыз.

— Медиктерге берилип жаткан кошумча маяна сезилээрлик эле жардам болду?

— Март, апрель айыныкы убагында түштү. Кошумча маянабыз да алгылыктуу экен, ыраазы болуп отурабыз. Жеке меники буга чейин алып жүргөн айлыгыма 3-4 эсе кошулуптур.

Медсестра в Республиканской клинической инфекционной больнице (РКИБ) Жакут Орозалиева
© ФОТО / ПРЕСС-СЛУЖБА МИНИСТЕРСТВА ЗДРАВООХРАНЕНИЯ КР
Ооруканада 108 медайым, 84 кенже медкызматкер иштеп жатат, дарыгерлерди кошкондо 200дөн ашат

— Коронавируска кабылгандарды өз көзүңүз менен көрүп, дарылап жүргөн медайым катары элге айта турчу кандай сөзүңүз бар?

— Эл арасында дагы деле коронавируска ишенбегендер бар экен. Бизде 200дөн ашуун кызматкер үйүнө барбай, бир туугандарын, балдарын, ата-энесин көрбөй иштеп жатышат. Эгер оору жок болсо 50 күндөн бери жөн эле жүрө бермек белек. Оору бар. Ар кимдики ар кандай өтүп жатат. Бирөө жеңил, бирөө оор көтөрөт экен. Бир эле сураныч, сыртка көп чыкпай, эл көп чогулган жерге барбай турсаңыздар биз ушул оорудан батыраак кутулуп, үйүбүзгө кетет элек. Азыр тилегибиз эле ушул. Медицина кызматкерлеринин кесипкөйлүгү менен буюрса бул кыйынчылыкты чогуу жеңебиз деген үмүтүбүз бар.

Дагы: https://sputnik.kg/society/20200512/1048264137/koronavirus-darylagan-medayym-maek.htmlскачать dle 11.0фильмы бесплатно
18+ © 2016 - Все права соблюдены.
Любое копирование, в т.ч. отдельных частей текстов или изображений, публикация и републикация, перепечатка или любое другое распространение информации, в какой бы форме и каким бы техническим способом оно не осуществлялось, строго запрещается без предварительного письменного согласия со стороны редакции. Во время цитирования информации подписчиками ссылки обязательны. Допускается цитирование материалов сайта без получения предварительного согласия, но в объеме не более одного абзаца и с обязательной прямой, открытой для поисковых систем гиперссылкой на сайт не ниже, чем во втором абзаце текста.
счетчик счетчик