Бүгүн:

Акыркы кабарлар

15:37
Экс-министр Молдомуса Конгантиевдин жубайы дүйнөдөн кайтты
15:31
Инаугурация өткөрүүгө канча каражат сарптала турганы айтылды
16:13
Россия берген 20 млн. доллар кайда? Финансы министринин жообу
16:11
Азыр Кыргызстанда инвестициялык климат кандай экени айтылды
16:10
Мэрия: шаардын түштүгүнө парк, Көк-Жар конушуна мектеп курулат
16:09
Райым Матраимовдон башкалар бюджетке канча акча которгону айтылды
16:07
Кыргызстан күнүнө Кытайга 60 тонна эт жөнөтө алабы? Министрдин билдирүүсүнө талдоо
16:05
Караколдо 6,6 килограммдык ымыркай төрөлдү
15:49
Балбак Түлөбаев Ак-Өргөнүн 5 гектар жерине парк салына турганын айтты
10:57
Садыр Жапаров өзбек лидери Шавкат Мирзиёев менен телефон аркылуу сүйлөштү
10:18
Кубатбек Боронов Финполго суракка чакырылды
10:16
Түрмөдө жатып революция жасадым деген Жапаров ийгилигинин сырын ачты
09:57
Жапаров: РФ наркотрафик менен күрөшүүгө учкучсуз башкарылчу эки учак берди
09:55
Транспорт министрлигинин статс-катчысы 2,5 млн. сом төлөп абактан чыкты
09:50
Токаев Жапаровду жеңиши менен куттуктап, Казакстанга келип кетүүгө чакырды
15:06
43кө толмок... Бишкекте Элмирбек Иманалиевди эскерүү кечеси өтөт
15:01
Дүйнөнүн "күчтүү паспорттору". Кыргызстандын рейтингдеги орду
14:12
УКМК "Бишкек" эркин экономикалык аймагынын мурдагы жетекчисин кармады
15:57
Президент болом деген 4 талапкер бирикти. Себеби жана максаты
17:35
Саламаттык сактоо министрлиги пайдасыз ишке 1 млн. доллар короткону аныкталды
11:51
Прокуратура: "Манас" аэропортунун жетекчилиги өлкөгө 65 млн. сом зыян келтирген
10:45
"Бишкек башкы архитектуранын" жетекчиси Түлөбердиев кармалды
17:56
Башкы прокуратура: 45 млн. сомдук беш жер тилкеси мамлекетке кайтарылды
17:51
Түркия элчилиги: кыргыз-түрк "Достук" ооруканасы пандемия аяктаары менен ачылат
17:55
Эки жашар бөбөк ооруканадан үзүлгөн. Токмоктогу жол кырсыгынан 8 киши көз жумду
17:38
Бишкекте курулуш материалдарын саткан дүкөндөн өрт чыкты
14:31
Бишкектеги ыш. Артем Новиков ЖЭБди газга өткөрүүнү сунуштады
14:07
Кайсы өлкөдө иштеп жүргөн мигранттар пенсия алуу укугуна ээ?
10:42
Өлкө боюнча канча ИВЛ аппарат, канча концентратор бар экени айтылды
10:33
Ак-Жар конушунун дөңгөлөк өрттөп нааразы болгон тургундары тарады.
10:30
Башкы прокуратура "мас" прокурор боюнча видеону териштирип жатат
10:28
Кыргызстанда Сүт палатасын ачуу пландалууда. Эмне жумуш аткарат
10:14
Жалпы жарандык биометрикалык паспорттордун жаңы үлгүсү көрсөтүлдү.
10:10
Бишкекте кыргыз-өзбек чек арасын тактоо боюнча жыйын өтүп жатат
17:01
Референдум өткөрүүгө 40 миллиондой сом кетет
14:18
Кыргызстандан кайсы өлкөлөргө учактар учууда? Графиги жана ырааты
17:26
Зордукталган өспүрүм: прокуратура Соодонбековдун чечимин негизсиз деп эсептейт
15:22
КР — АКШ алакасы. ТИМ маалыматка өкүндү, бирок кийлигишпөө боюнча да айтты
15:10
Кыргызстандыктарга Венгрияда бекер билим алууга 150 орун бөлүндү. Шарт-талабы
17:46
Мамлекет жеке тараптарга Бишкекке ипподром салууну сунуштоодо. Жол-жобосу
17:34
Кыргызстан Улуу Британиядан коронавирус вакцинасын алууга жардам сурады
16:36
Кыргызстандыктар шайлоочулардын тизмесинен өзүн текшере алат.
16:32
Кыргызстандын Пакистандагы элчилиги гумжардам топтоп өлкөгө жөнөттү
16:31
"Урал аба жолдору" Кыргызстанга РФтин 8 шаарынан учактар каттай турганын айтты
16:28
Россиядан Ысык-Көлгө учак каттай баштады
Бардык кабарлар

Элмирбек Иманалиевдин жубайы: жашоо атабыз бардагыдай эмес, сагыныч күч алды...

Интервью
53
0

Бул жолугушууну негизи Элмирбек Иманалиевдин китептеринин бет ачарына болжогонбуз. Бирок Нурзат айымдын шартына байланыштуу жылып отуруп, баарлашуу ушул күнгө буюруптур. Акындын жубайы кеңсеге жалгыз келген жок. Жанында таланттын дал өзүндөй болгон уулу Адылхан бар экен.

Апасы менен сүйлөшүп отурсак ортодо ал да сөзгө аралаша кетип, атасы менен өткөргөн күндөрүн эстеп божурап отурду. 

Супруга акына Элмирбека Иманалиева Нурзат Абдырашитова во время интервью на радио Spuntik Кыргызстан
© SPUTNIK / ТАБЫЛДЫ КАДЫРБЕКОВ
Нурзат Абдырашитова: атабыздын бизди таштап кеткенине дагы эле ишене элекпиз. Кечээ түнү эле саат бир жарымга чейин аны эстеп, бир сыйра ыйлап, анан жаттык. Мен ыйласам балдарым кошо ыйлайт, жүрөктөрү оорубасын деп булардын көзүнчө жашыбаганга аракет кылам...

— Оор жоготуудан бери билинбей жарым жылдан ашык убакыт өтүп кетиптир. Кантип атасыздар, балдар атасын сурап жатышкандыр?

— Күндө сурашат, күндө эстейбиз. Атабыздын бизди таштап кеткенине дагы эле ишене элекпиз. Кечээ түнү эле саат бир жарымга чейин аны эстеп, бир сыйра ыйлап, анан жаттык. Мен ыйласам балдарым кошо ыйлайт, жүрөктөрү оорубасын деп булардын көзүнчө жашыбаганга аракет кылам...

Бул Адылхан (жанындагы баласын көрсөтүп) атасын сагынганда анын иш бөлмөсүнө кирип жатып алат. Кечээ да ошентти. Негизи ал бөлмөдө Элмирбектин комуздары, башка жеке буюмдары, кагаздары болгондуктан эшигин жаап эч кимди киргизбейбиз. Адылхан болсо атасын сагынганда жалгыз ошол бөлмөгө жатып алат. Өткөндө эжеси Жайдары экөө кирип алып, мага телефондон "Атам качан келет, жашынбай эле чыга берсинчи" деп билдирүү жазып жиберишиптир...

 

"Убакыт дарылайт" деп коет го, бирок убакыт дарылабай эле күн өткөн сайын сагынычыбыз күч алгандан күч алды. Балдарым күндө сурайт. "Атам бул жерде отурчу, бул жерден мындай кылчу" деп ооздорунан түшүрбөйт. Кийимдерин жытташат, "жыты кетип бараткан го" деп кайра-кайра жыттаганда жанымды коерго жер таппай калам.

(Ал ортодо сөзгө Адылхан аралаша кетти)

Адылхан: — Атам иштеген бөлмөгө өзүм эле жалгыз жатып алам. Үйдө жүрсөк атам бардай, басып жүргөндөй сезиле берет. Бир жолу ошол бөлмөгө жатып алгам, анан бутуман бирөө кармагандай болуп ойгонуп кетсем эч ким жок. Анан беш саат уктай албай жаткам. 

Супруга акына Элмирбека Иманалиева Нурзат Абдырашитова с сыном Адылханом во время интервью на радио Sputnik Кыргызстан
© SPUTNIK / ТАБЫЛДЫ КАДЫРБЕКОВ
Элмирбек Иманалиевдин уулу Адылхан: атам иштеген бөлмөгө өзүм эле жалгыз жатып алам. Үйдө жүрсөк атам бардай, басып жүргөндөй сезиле берет.

— Атаң менен эмнелерди чогуу жасачу элеңер?

Адылхан: — Атам жумуштан келери менен биз "бут кийимин мен чечем, мен чечем" деп талашып чеччүбүз. Атам бизге жомок айтып берчү, комуз менен ырдачу, эшикке чыгып чогуу басчубуз.

(Сөзгө Нурзат эже кошулду)

— Элмирбек дайыма жөө басчу. Таң атпай саат 4-5те эле ойгонуп алар эле. Акыркы жылдары ал өмүрүн жалаң жумушуна арнап, шакирттери менен көп иштеп калган. Жүрөгү бир нерсени сезген немедей убактысынын дээрлик баарын чыгармачылыкка арнап калган.

— Элмирбек агай кант диабетинен жабыркап жүрчү беле?

— Акыркы учурларда жүрөгүм деп калган. Андан тышкары, кант диабети менен да ооруп, жылда дарыланчу. Дайыма инсулин алып турчу. Кан басымы да ылдый эле. Бирок абалы таптакыр эле начар болчу деп айта албайм. Жылда дарыланып, андан кийин күүлүү-күчтүү иштеп калчу. Бул ирет эмне болуп кеткенин өзүбүз да түшүнбөй калдык. 

Народный артист КР, акын-импровизатор Элмирбек Иманалиев с супругой Нурзат Абдырашитовой
© ФОТО / ИЗ СЕМЕЙНОГО АРХИВА ИМАНАЛИЕВЫХ
Нурзат Абдырашитова: Элмирбек экөөбүз башында байке-карындаш катары эле сүйлөшчүбүз. Андан кийин билинбей жүрүп эле бири-бирибизге жакын болуп кеттик.

— Эл арасында "ооруканалар дароо албай, кыйнап коюшуптур" деген кеп тарады эле. Чынында кандай болгон?

— Ошол күнү Элмирбек маанайы жок ойгонду. Текшерсем канты көтөрүлүп кетиптир, күнүнө эки маал инсулин алчу. Анын бирөөсүн сайсам бир аз жакшы болуп калгансыды. Түштөн кийин "жүрөгүм сайгылашкансып жатат, Тез жардам чакыртчы" деди. Биринчи өкмөттүн Иш башкармалыгынын клиникалык ооруканасына (спецбольница) чалдым. Негизи бир нерсе болсо дароо ошол жакка жатып дарыланчу. Чалсам "биз азыр бара албайбыз, 103 кызматына чалгыла" деп койду. Аларга кайрылсам бир сааттан кийин келишти. Дароо асма укол коюп, дары берип "Фучик көчөсүндөгү ооруканага алып баргыла, хирургиялык оору окшойт" деди. Тез жардам кызматы Элмирбекти Фучиктеги ооруканага алып кетти. Балам кичинекей болгондуктан мен артынан бардым. Барсак хирург көрүп "бул биздин оору эмес, клиникалык ооруканага эле алып баргыла" деди. Ары-бери жүрүп Элмирбек кыйналып калды окшойт. Негизи үйдөн экинчи кабаттан өзү эле түшкөн. Өкмөттүн Иш башкармалыгынын клиникалык ооруканасына барганда өзүн таштап койду. Ооруканага жаткырганыбызга сүйүнүп, жаман ой жок үйгө кеттик. Анын үстүнө ошол учурда карантин болчу. Саат жетиге чейин үйгө жетип алайын деп бала менен кеткем. Үйгө жетерим менен Элмирбектин окуучусу Асылбек чалып "катуу болуп атат, кайра келиңиз" деди. Көрсө ошондо эле үзүлүптүр. Ал ооруканада өзүм иштеп калгандыктан, дароо эле реанимацияга кирип барсам атабыз жок, таппай калдым. Сыртка чыксам эки дарыгер "мунусунда сактай албай калдык" деп суук кабарды угузуп коюшту.

Негизи түз эле клиникалык ооруканага алып бармакпыз. Бирок карантинге байланыштуу хирургия кызыл зона болду дегенден башкага алып барганбыз да. Өзүнүн ордуна эле жатып, жакшынакай дарыланып чыкмак. Эмне болуп кеткенин түшүнбөй калдым... 

Супруга акына Элмирбека Иманалиева Нурзат Абдырашитова во время интервью на радио Spuntik Кыргызстан
© SPUTNIK / ТАБЫЛДЫ КАДЫРБЕКОВ
Нурзат Абдырашитова: жолдошум акыркы учурларда жүрөгүм деп калган. Андан тышкары, кант диабети менен да ооруп, жылда дарыланчу. Дайыма инсулин алып турчу. Кан басымы да ылдый эле.

— Илдетти кайсы жылы илештирип алган?

— Мен билгенден бул оорусу 2007-жылы пайда болуп, анан ооруканага жаткан. Ошол учурда ал жаткан ооруканада медайым болуп иштечүмүн. Биз ошол жактан биринчи көрүшүп, таанышканбыз.

— Ооба, эстедим. Буга чейин ЖМКлардын бирине "ооруканадан табышканбыз" деп маек берип жүрсөңүздөр керек эле.

— Элмирбек ооруканага 2007-жылдын ноябрь айында жатыптыр. Бир күнү жумуштан чыгып тепкичтен түшүп келе жатсам, ал өйдө чыгып баратыптыр. Эски таанышын көргөн немедей мени бир саамга тиктеп туруп калды.

(Ал ортодо жаныбызда отурган Адылхан сөзгө аралашып, атасы менен апасы кантип таанышып калганын айтып кирди. Көрсө алар бул учурду жатка билишет экен). 

Адылхан: — Атам апамды тепкичтен түшүп баратканда көрүп калып, анан жактырып калган.

(Нурзат эже сөзүн улады)

— Эртеси жумушка барсам Элмирбек биздин кардиология бөлүмүнө которулуп, палатада жатыптыр. Мени көрө калып эле "кечээки ак куртка кийип чуркап бараткан кыз сиз белеңиз" деп сураган. Ошентип экөөбүз тааныш болуп калдык. Чынын айтсам, ага чейин Элмирбек Иманалиев деген төкмө акын бар экенин билчү эмесмин. Эки-үч күндөн кийин жанымда иштеген эжелерден уктум. Ооруканадан чыгып жатканда "дарыларды сурап турайын" деп телефонумду алган. Кийин чалышып, жазышып, сүйлөшүп жүрүп анан 2009-жылы январь айында баш кошуп, төрт балалуу болдук. 

Супруга акына Элмирбека Иманалиева Нурзат Абдырашитова с сыном Адылханом во время интервью на радио Spuntik Кыргызстан
© SPUTNIK / ТАБЫЛДЫ КАДЫРБЕКОВ
Нурзат Абдырашитова: азыр улуу балабыз Эрулан 11 жашта, андан кийин Жайдары деген кызыбыз 3-класста окуйт, Адылхан болсо 1-класс. Элхан бир жаш 10 ай болду.

— Көбү сиздердин ортоңордо үч эле бала бар деп ойлошуптур.

— Төртүнчү уулубузда удаа-удаа төрөгөндөн уялсам керек, эч кимге деле билдирген эмеспиз. Жакындарыбызга эле айткан болчубуз. Азыр улуу балабыз Эрулан 11 жашта, андан кийин Жайдары деген кызыбыз 3-класста окуйт, Адылхан болсо 1-класс. Элхан бир жаш 10 ай болду.

— Эгер сыр болбосо, агай экөөңөрдүн ортоңор канча жаш айырма эле?

— Төрт жаш. Мен азыр 38демин, Элмирбек 42ге чыккан.

— Колуңузду сураганда көпкө ойлондуңузбу?

— Башында экөөбүз байке-карындаш катары эле сүйлөшчүбүз. Андан кийин билинбей жүрүп эле бири-бирибизге жакын болуп кеттик. Мен анын үй-бүлөсү, эки кызы бар экенин билгем. Ал менин колумду сурап, биринчи сунуш киргизгенде аябай ойлонгом. Бирок жообун көпкө күттүрбөй эле бергем. 

Народный артист КР, акын-импровизатор Элмирбек Иманалиев с сыном Адылханом
© ФОТО / ИЗ СЕМЕЙНОГО АРХИВА ИМАНАЛИЕВЫХ
Нурзат Абдырашитова: Элмирбек балдарын аябай жакшы көрчү. Айрыкча ушу кичүү балабызга жакын болду. Эшиктен кирип келгенде эле атасын сүйүнүп тосуп алчу. Анын элесин азыр деле унута элек. "Ата кана?" десек бөлмөсүндө чоң сүрөтү бар, ошол жерге барып атасынын сүрөтүнүн жанына жатып калат.

— Элмирбек Иманалиевдин "Аруузатым" деген ыры бар эмеспи. Ошол ырын сизге арнап чыгарган деп уккандай болдум эле?

— Жок, бул ыр мага арналган эмес. "Аруузатым" чыккан кезде Элмирбек менен жаңы эле таанышкам. Бул чыгарманы токтогулдук кызга арнап чыгарганын мага өзү айтып берген. Ал кызды көргөн жокмун, бирок Элмирбектин айтуусу боюнча ал өзүнөн бир топ жаш кичүү болчу, троллейбустан таанышыптыр. Жолдошум экөөбүз башында тааныш катары сүйлөшүп жүрдүк да. Ошол учурда Элмирбек мага бул кыз тууралуу көп айтып калчу, жакшы көрсө керек. Ал тургай Элмирбектин атынан анын ата-энесине токтогулдук байкелер да барып колун сураганын уккам. Бирок ал макул болгон-болбогонун так билбейм.

 

— Сизге да арнап чыгарган ырлары болсо керек.

— Ооба, бар. Жаңы чыккан китепте бар. Аларды айтпай эле коеюн эми.

— Акындын кыздары менен катышасыздарбы? Келип турушабы?

— Кыздар менен мамилем жакшы. Мурда Элмирбек барда деле атасы менен катташып, сүйлөшүп турушчу. Кичүү кызы Сезим келип, балдар менен ойноп кетчү. Сүйлөшүп, катышып турабыз. 

Народный артист КР, акын-импровизатор Элмирбек Иманалиев
© ФОТО / ПРЕДОСТАВЛЕНО НУРЗАТ АБДРАШИТОВОЙ
Нурзат Абдырашитова: атабыз көзү тирүүсүндө эле "китеп чыгарчы" деп айта берчүбүз. Азыр китеп окуган заман болбой калдыбы же өзүн бышырып жүрдүбү, айтор, жетишпей калды.

— Элмирбек агай сыртынан эмнегедир аябай сүрдүү көрүнчү. Үйдө кандай ата, кандай жар эле?

— Элдин көбү, анын жакындары, ал тургай чыгармачыл чөйрөдөгү өзүнөн улуу эле кишилер "Элмирбек менен сүйлөшкөндөн тартынып турам, сүрдүү" деп айтып калышчу. Чынында эле анын сүрү бар эле. Үйдөн деле балдар бир нерсени айтарда дароо эле барып айтып салбай, баары чогулуп кеңешип, анан Адылханды алдыга салышчу. Бирок Элмирбек кайда болбосун дайым күлүп жүрөр эле. Үйдөн деле сүрдүү болгону менен кабагын салчу эмес, күлүп эле турчу.

Элмирбек балдарын аябай жакшы көрчү. Айрыкча ушу кичүү балабызга жакын болду. Эшиктен кирип келгенде эле атасын сүйүнүп тосуп алчу. Анын элесин азыр деле унута элек. "Ата кана?" десек бөлмөсүндө чоң сүрөтү бар, ошол жерге барып атасынын сүрөтүнүн жанына жатып калат.

— Элмирбек агайдын китептери да жарык көрдү. Ошол тууралуу да азыноолок кеп кылып кетесизби?

— Атабыз көзү тирүүсүндө эле "китеп чыгарчы" деп айта берчүбүз. Азыр китеп окуган заман болбой калдыбы же өзүн бышырып жүрдүбү, айтор, жетишпей калды. Чоң эмес, чөнтөккө салып жүргөндөй китеп чыгарам деп калчу. Ошол айтканын аткарганга аракет кылдык. Элмирбектин көзү өткөндөн кийин тынч отура алган жокмун, жазгандарын элге жеткирейин деп аракет кыла баштадым. Дос, санаалаштары менен үч жарым айга чукул чуркап, жазгандарын чогултуп, анан бет ачарын жасадык.

 

Ал жакта жалаң ырлары жазылган. Эми проза жана күндөлүгүндөгү жазууларын топтоп жатам, буюрса аны да өзүнчө китеп кылып чыгарабыз.

— Төрт бала менен жалгыз оокат кылуу деле кыйын. Акча-тыйын жагынан кантип жатасыздар?

— Азыр эми Элмирбектин каражаты менен эле жашоо өтүүдө. Буга чейин медик болуп иштечүмүн. Бирок турмушка чыккандан кийин ал жумуштан чыкканга туура келген. Кайра деле ал тармакка барбайм го. Азыр менин негизги милдетим — Элмирбектин балдарын жакшы карап, аларга татыктуу тарбия берүү. Мындай кишинин балдарын чоңойтуу да өтө жоопкерчиликтүү иш экен. 

Супруга акына Элмирбека Иманалиева Нурзат Абдырашитова во время интервью на радио Spuntik Кыргызстан
© SPUTNIK / ТАБЫЛДЫ КАДЫРБЕКОВ
Нурзат Абдырашитова: "Аруузатым" чыккан кезде Элмирбек менен жаңы эле таанышкам. Бул чыгарманы токтогулдук кызга арнап чыгарганын мага өзү айтып берген.

— Уулдарыңардын арасында атасынын жолун жолдочулар барбы?

— Улуу балабыз Эрулан комуз чертип, ыр чыгарып калат. Атамдай акын болом деп анын көзү тирүүсүндө эле айтчу. Комузду да тез эле үйрөнүп алган. Ал эми Адылхан милиция болом дечү, азыр КТРКда алып баруучу болом деп калыптыр.

(Адылхан сөзгө кошулду)

Адылхан: — Мен үч тилек тандадым. Биринчиси — атамды уят кылбайм, экинчиси — жакшы окуйм, үчүнчүсү — апамдын жинин келтирбейм.

Н.А:. — Элмирбектин көзү өткөндөн кийин жашоо таптакыр башкача болуп калды. Сыртка чыксак деле, үйдө деле, баары башкача, мурдагыдай эмес. Ал сезимди сөз менен айтып жеткире албайсың... Бирок балдар үчүн белди бекем бууп жашаш керек.

Дагы: https://sputnik.kg/society/20201211/1050742772/ehlmirbek-imanalievdin-zhubaj-menen-maek.htmlскачать dle 11.0фильмы бесплатно
18+ © 2016 - Все права соблюдены.
Любое копирование, в т.ч. отдельных частей текстов или изображений, публикация и републикация, перепечатка или любое другое распространение информации, в какой бы форме и каким бы техническим способом оно не осуществлялось, строго запрещается без предварительного письменного согласия со стороны редакции. Во время цитирования информации подписчиками ссылки обязательны. Допускается цитирование материалов сайта без получения предварительного согласия, но в объеме не более одного абзаца и с обязательной прямой, открытой для поисковых систем гиперссылкой на сайт не ниже, чем во втором абзаце текста.
счетчик счетчик