Өнөктүк Бишкек, Ош шаарларында, Чүй жана Ош облустарында 18-сентябрда башталган, 29-сентябрга чейин уланат. Анын алкагында кызамык, кызылча вакцинасы менен 9 айдан 7 жашка чейинки (7 жашка толгон) балдар эмделет.
"Эгерде бала соңку 28 күндүн ичинде вакцина алган болсо, кошумча талап кылынбайт. Кызамык — абдан коркунучтуу жана өтө тез жуга турган вирустук оору. Балдарды кызамыктан коргоонун жападан жалгыз ыкмасы эмдөө болуп саналат!" — деп эскертти медиктер.
Эмдөөнү үй-бүлөлүк медицина борборлорунан, үй-бүлөлүк дарыгерлер тобунан, ФАПтан жана билим берүү мекемелеринде уюштурула турган убактылуу эмдөө пунктуларынан алууга болот.
Источник: https://sputnik.kg/20230921/kyzamyk-kyzylchaga-karshy-emdoo-zhurup-zhatat-1078776994.html