Turmush - Баткен районунун Кара-Булак айыл өкмөтүнө
караштуу Бужум айылында жабык типтеги заманбап спорт зал курулуп жатат, деп
билдирди аймактык кабарчы.
Кара-Булак айыл өкмөтүнүн башчысы Ачылбек Ташбековдун
айтымында, спорт залда жуунучу жай, даараткана жана башка бардык шарттар
каралат. Анын жалпы сметалык баасы 14 млн сомго жакын каражатты түзүп, 6 млн
159 миң сомго тендер жарыяланган. Тендерди «Нифирит» курулуш компаниясы жеңип, курулуш иштерин июнь
айында баштаган.
«Курулуш иштерин үстүбүздөгү жылдын ноябрь айында бүткөрүү
пландалган. Буга чейин Бужум айылында жаштар үчүн спорт зал жок болгондуктан
алар мектептеги спорт залда машыгып келишкен. Бул айылда мыкты спортчулар көп.
Аларды колдоо керек. Жаштар мектепке барып машыкканда окуучуларга тоскоол
болушат. Бул маселе жакын арада чечилип, жаштар жаңы спорт залда машыгып
баштайт», - деди А.Ташбеков.
http://batken.turmush.kg/news:350052/?from=kg_turmush&place=newstoplast