БИШКЕК, 6-сен. — Sputnik. Эл аралык "Россия сегодня" маалымат агенттигинин башкы директору Дмитрий Киселев РИА Новости порталынын Украинадагы жетекчиси Кирилл Вышинский абийир туткуну болуп калды деп билдирди. Бул туурасында РИА Новости жазды.

Херсон соту Вышинскийди коргогон тараптын аны токтоосуз медициналык текшерүүдөн өткөрүү сунушун канааттандырып, журналистти сот залынан ооруканага алып кетишкен. Жактоочу Андрей Доманский жогорудагы сунуш мурда инфаркт болгон Вышинскийдин абалы кескин начарлап кеткендиктен берилгендигин айтты. Ал убактылуу кармоо жайында белгисиз "дарылоо" да болгонун кошумчалады.

"Биздин досубуз жана кесиштешибиз Кирилл Вышинский абийир туткуну болуп отурат. Журналистти Украина түрмөсүнө өзүнүн көз карашы жана кесиптик ишмердүүлүгү үчүн салышты. Мамлекетти саткан деген болбогон айып аны 15 жылга эркинен, үй-мүлкүнөн ажыратып коюшу мүмкүн. Эл аралык уюмдар, анын ичинен Amnesty International Кириллди активдүүрөөк колдой тургандыгына ишенем", — деген Киселев.

 

Кирилл Вышинский 100 күндөн ашуун убакыттан бери өзүн-өзү республика деп жарыялаган Донбассты колдонгондугу үчүн камакка алынып, мамлекеттик чыккынчылыкка күнөөлөнүүдө. Украина жарандыгы бар деген шылтоо менен ага россиялык консулдуктун кызматкерлери киргизилбей жатат. РФ ТИМи РИА "Новости Украина" порталына карата бул кадамды расмий Киевдин өзүм билемдиги деп баалашты.

 

ТИМ жетекчиси Сергей Лавров муну туура эмес деп айтты. РФтин элчилиги Украина ТИМине жалпыга маалымдоо каражаттарына зомбулук көрсөтүүнү токтотууну талап кылып, эки нота жиберген.