Бүгүн:

Акыркы кабарлар

11:36
Алмазбек Атамбаев суракка барар-барбасын айтты
10:49
Унутулган рюкзак полицияны убара кылып, элди дүрбөттү. Казакстандагы окуя
10:47
Кыргызстанда жаңы мамлекеттик ишканалар түзүлдү. Милдеттери
09:33
Бишкектин чок ортосунда тез татым жайы күйүп кетти. Сүрөт, видео
09:31
Жалгыз уулу эле... Кырсык тооруган Абдылдаевдин үй-бүлөсүнүн таржымалы
13:03
Нарында суу жээктерине эскертүү такталары орнотулду
10:20
Төрага Жумабеков Атамбаевге өзү жазган ыр менен жооп берди. Видео
10:10
Екатеринбургдан чыгып кайра шашылыш конгон учак “Кант” базасына келе жаткан
14:24
Жээнбеков: кутулуп кетем деп ойлобогула, тынчтык бербейм!
10:48
Ысык-Көлгө жай бою төрт шаардан учак каттайт
10:44
Нарын шаарынын борборундагы тротуарлар оңдолууда. Сүрөттөр
15:34
Милиция бөлүмүнөн качып кеткен киши "Ош" базарынан кармалды
15:14
Сүрөттөн чыккан ызы-чуу: казак бийлиги чатактын чоо-жайын айтты
14:56
Тажикстандагы жер титирөөнүн эпкини Кыргызстанга да тийди
11:47
Бишкек мэринин орун басарлары дагы көчмө жыйын өткөрө баштады
11:37
Атамбаевдин айланасындагы кырдаал тууралуу кыска-нуска видео
13:01
Башкы прокурор: Атамбаевге каршы Батукаевдин көрсөтмөсү бар
12:59
Башкы прокурор сөзүнөн жаңылып, Атахановду Батукаев менен алмаштырып алды
12:56
Мыйзамга каршы көрсөтмө берген. Атамбаевге ТЭЦ боюнча кандай айыптар коюлууда
11:54
Көлдөгү жол кырсыктан бир кыз каза болду. Тамтыгы чыккан унаанын видеосу
13:01
Айыл турмушу: «Шумкар» полкунун кызматкери Ч.Чалабаевдин спорттогу ийгиликтери
10:02
Атамбаевдин кеңешчиси экс-президенттин банктагы эсеби боюнча үн катты
09:42
Атамбаевдин "иши". Иманалиев мындан аркы кадамдар тууралуу айтып берди
09:15
"Ош" базарындагы башаламан соода менен күрөш уланууда. Сүрөттөр
09:12
Мира Жангарачева Гапар Айтиев атындагы музейге директор болду
13:51
Аялдар эмнеге стресс болот? Окумуштуулар негизги себеби тууралуу
17:23
Бишкектин борборунда сары футболкачан адамдар митингге чыкты. Талабы эмне
16:57
Көлдүн Сырт аймагынан ок жеген аялдын сөөгү табылды
16:55
6 жаштагы шахматчы Султай "Лучше всех" шоусуна барып, Галкинди таң калтырган. Видео
16:42
150 миң доллар пара алды делген Илмияновдун иши боюнча тергөө аяктады
11:20
Кыргызстан бейпил өлкө рейтингинде 13 сапка көтөрүлдү
12:03
Башкы прокуратура атайын эсепке 16,4 млн. сом которду
12:02
Мэрия сатылып кеткен 5 гектар жерди Бишкектин менчигине кайтарып алды
11:41
Бишкекте 12 өлкөнү бириктирген ШКУ саммити өтүүдө. Тексттик трансляция
15:35
«Кийимдерин төшөк кылып...»: Өспүрүмдөр эрки менен кумарын кандырышканбы же кыз зордукталганбы?
15:30
Кытай Кыргызстандан ири көлөмдө азык-түлүк сатып алууга даяр
14:56
Бишкектеги ШКУ саммити. Учурда эмне болуп жатат
10:39
Кыргызстанда активдүү мигранттар үчүн жайкы лагерь иш алып барат
10:34
Бишкекке келген Монголиянын президентин кызыл гүл менен тосуп алышты. Сүрөттөр
10:32
Жээнбеков Путинди Россия күнү менен куттуктады
17:19
Атамбаев айдоочулук күбөлүгүнөн ажыратылганбы? Милиция менен КСДПнын жообу
17:18
Өзү билип аскер бөлүгүн таштап кетүүгө аракеттенген жоокер кармалды
17:15
Чагымчылдык! Кеңешчиси Атамбаевдин айдоочулук күбөлүгү тууралуу үн катты
14:59
Жээнбеков Касым-Жомарт Токаевди Кыргызстанга келип кетүүгө чакырды
13:21
Балыкчыдагы батут кырсыгы: 3 жашар кыздын абалы оор
Бардык кабарлар

Мынча киреше табам деп ойлогон эмесмин. Бишкектик айымдын бизнестеги баяны

Жаңылыктар
205
0

Калаадагы дүкөндөрдө буюмдун анык баасынан 100дөн 300 сомго дейре ашык төлөп жүргөнүбүздү билчү белеңиз? Эгер буга нааразы болсоңуз, анда бул маекке бир көз жүгүрткөнүңүз оң.

— Бала багып үйдө отурган энелерди Интернетте окутуу долбоору туурасында айтып берсеңиз.

— Адегенде кеп башынан болсун. Пекинден Бишкекке кайтканымда аябай зерикчү болдум. Башка адамдардай эле ишке барам, бирок мага кандайдыр ыргак жетишсиздей туюла берди. Кытайда жүргөндө эле компьютердеги бир аракет менен сатып алуу канчалык ыңгайлуу экендигин түшүнгөм.

Бижутерияны башынан эле жактырып, өзүмө онлайн дүкөндөрдөн буюртма менен алчумун. 8 гана жыл мурун андай буюм- тайымдарды сатып алуу үчүн "Дордой” базарына барууга туура келчү. Ал эми бир сөйкө үчүн базарга бара берүү убакыт жагынан да, баасы боюнча да анча пайдасыз эле. Сиңдим андай кооздук буюмдарын дүңүнөн алып, шаардын өзүндө сатууну сунуштап калды.

Үч миң сом сарптап, алты миң сом таптым. Түшкөн акчаны кайра бижутерияга салдым. Бир нече ирет ошентип айланттым. Кызыккандар келип, тагынып көргөндөй аянтча зарыл болгондо дүкөн ачтым. Абдан жакшы жүрдү, талап чоң эле, ижара акысы, кызматкерлердин маянасы жана салган акчамды эсептегенден кийинки таза киреше күн сайын 10 миң сомго жетчү.

 

Декретке чыкканымда үй-бүлөнү алдыңкы орунга коюп алдым, иш кожоюнсуз жүрбөстүгү белгилүү эмеспи. Дүкөндү жабууга аргасыз бодум. Бирок декретте жөн эле отура берүү мага кызыксыз экен. Анан да бир көйгөй: шаарда көпчүлүк чөнтөгүнө төп баада балдардын кооз кийимдери жок. Кайрадан онлайн сатып ала баштап, интернетте да мындан сөз козгодум. Көрсө, буга көп энелер дуушар болот экен, мага онлайн буюртма кылып берүүмдү өтүнгөн аялдар жаза баштады. Алар дагы балдарын жакшы кийинткиси келет, бирок буга көп акча сарптагылары жок.

Мындай татаалдыктарга багынгысы келбеген адамдардын арбын экендигин түшүнгөн соң балдар кийимдерин сатуучу онлайн дүкөн ачтым.

Частный предприниматель Лаура Жоробекова во время интервью на радиостудии Sputnik Кыргызстан
© SPUTNIK / ТАБЫЛДЫ КАДЫРБЕКОВ
Жеке ишкер Лаура Жоробекова: онлайн-сатып алууда биринчи кезекте өз акчаңызды үнөмдөйсүз. Базардагы, анан калса дүкөндөрдө товарлар үч эселентип сатылат.

— Бул канчалык кирешелүү?

— Биринчи кезекте өз акчаңызды үнөмдөйсүз. Базардагы, анан калса дүкөндөрдө товарлар үч эселентип сатылат. Эми ашыкча канча акча коротуп жатканыңызды эсептеп көрүңүз.

Мындай ишмердиктин жакшы жагы — декреттик эс алууда жүрүп деле эч кыйналбай үйдөн иштөөгө болот. Ошентсе да кирешеңиз күнүгө кеңсеге барып иштеген адамдардын тапканынан кем калышпайт. Баары сиздин ишти кандай алпарганыңыз жана жарнаманын санына жараша жүрөт.

Кытай — сага ылайык баада баары табыла тургандай ушунчалык кубаттуу рыногу бар эбегейсиз өлкө. Буюмдун баасына 300 пайызга чейин үстөк кошулушу мүмкүн. Менин кирешем орточо 30 миң сом болчу. Онлайн дүкөндөрдө соода кылуу боюнча үйрөт дегендердин саны аябай көбөйгөндө бул ыкма боюнча кеңири айтып бере тургандай атайын курстарды ачуу керектигин баамдадым. Кай жерден сатып алып, Инстаграмда кантип блог жазуу, сатып алуучулар менен кандай сүйлөшүү керектиги боюнча түшүндүрүп берчүмүн.

 

Жалпы 400 киши курстан өттү, эми бул ишке билек түрүнө киришейин деп турам. Башта Интернеттеги гана сабактар камтылчу, мындан жолугушуу, семинар, транспорттук компаниялар менен таанышуулар болмокчу.

Кызыгы, мага декреттеги гана жаш энелер келишпейт. Окуучуларымдын арасында банк кызматкерлери жана башка адистиктердин өкүлдөрү да бар. Көп аялдар бул курста акча табууну да эмес, сатып алууда үнөмдөөнү үйрөнүүнү көздөшөт.

— Кытайдан эмнеге Кыргызстанга келе бердиңиз?

— КЭРге окууга кеткем. Пекиндеги абройлуу окуу жайга эл аралык соода адистиги боюнча өткөм. Экономикалык тармакты тандап алгам, анткени ал багытка баары агылган. Баса, Кытайда 10 жыл мурун эле электрондук коммерцияны окутушчу. Профессорлор бул ыкманын келечеги кең экендигин айтышчу, анан Билл Гейтстин да: "Интернетте сиз болбосоңуз, анда дегеле сиз жоксуз” дегени бар  эмеспи. Ошол себептен бар экендигин тастыктоо үчүн дүйнөлүк компаниялар Интернетте өзү боюнча жар салып, Instagram тармагынан  баракча ачып, Tweeter социалдык медиа бутагын кызуу колдонушат.

Кытайда алты жыл жашадым. Ушул мезгил аралыгында окуу менен ишти айкалыштырып жүргөм. Үй-бүлө күтүүнү көксөгөнүмдү түшүнгөн маалда Кыргызстанга кайттым. Ойлогон оюң ордунан чыгат экен, Мекенге келгенимден көп убакыт өтпөй эле болочок жолдошумду кезиктирдим.

Частный предприниматель Лаура Жоробекова во время интервью на радиостудии Sputnik Кыргызстан
© SPUTNIK / ТАБЫЛДЫ КАДЫРБЕКОВ
Жоробекова: алданып калам деп кабатырлануунун кажети жок, эгер ири онлайн аянтчада соода жасасаңыз, анда тандаган товарыңыз сизге келерине 99 пайыз кепилдик бар.

— Кытайлыктардан эмнени үйрөнсөк болот?

— Кытай — дүйнөнүн фабрикасы, ал жакта баары бар. Качан болбосун бирөө кимгедир бир нерсе сатат. Алардын дини — акча, ар бир киши — ишкер. Пекиндин тургундары жаны тынбай иштешет. Чоңдор тургай, балдардын да ар күнү бөлүштүрүлгөн. Окуучуларды катаал атаандаштыкка даярдашат, ийгилик өзүнөн өзү келбестигин, ал үчүн көп иштөө керектигин үйрөтүшөт. Дал ошондуктан балдар бир нече тил билип, ар кыл спорттук ийримдерге катышат.

Кыргызстанга келген сайын мага Кытайдагы ошол ыкчам ыргак жетпей турчу. Мекенге биротоло келгенимде деле бир нече ишти бир алпарчумун, анткени бир канча жерде өзүмдү сынап, бир топ мүмкүнчүлүктү байкап көргүм келген.

— Келиңиз, маегибиздин пайдалуулугун арттыралы, товарды кантип издеп, кантип тандоо керек?

— Оңой эле, кайсы бир бренддин сайтына баш багасыз, эмне кааласаңыз, баарын таба аласыз. Ошондой эле онлайн дүкөндөр үчүн орун болуп берген жалпыга таанымал аянтчалар да бар, маселен, Taobao, Amazon. Издөө сабынан эмне сатып алгыңыз келгенин жазасыз да, андан ары ал өндүрүмдү тандайсыз.

 

Анан онлайн дүкөндүн аянтчасына катталасыз, тандаган товарды себетке саласыз. Буюм сатып алуу үчүн банкта эсебиңиз жана онлайн соода кызматы кошулган болушу шарт.

Андан кийин жеткирүүчүнүн атын көрсөтүп, белгиленген мөөнөт ичинде сизге жөнөтүлгөн буюмду күтөсүз.

Алдап коюшат деп кабатырлануунун кажети жок, эгер ири онлайн аянтчада соода жасасаңыз, анда тандаган товарыңыз сизге келерине 99 пайыз кепилдик бар.

Мурда кытай дүкөндөрү менен тыгыз иштешчүмүн, бирок азыр америкалык дүкөндөрдөн өтөрү жоктугун түшүндүм. АКШда жыл бою арзандатуулар болот, ал эми сапатынан шек саноонун деле кереги жок, себеби америкалык стандарт алда канча жогору. Лиранын куну түшкөндөн бери түрк дүкөндөрүнөн буюртма текейден арзанга түшчү болду.

Частный предприниматель Лаура Жоробекова во время интервью на радиостудии Sputnik Кыргызстан
© SPUTNIK / ТАБЫЛДЫ КАДЫРБЕКОВ
Ишкер: билгенимди бөлүшкүм келет, менин сабактарымдан соң өз иштерин ачып кеткен көптөгөн аракетчил айымдарды билем.

— Эмнеликтен дал ушул декреттик эс алуудагы аялдарды окутууга басым жасалат?

— Ар ким ар кандай үй-бүлөдө жашайт, биринин капарында тыйын табуу санаасы жок, башкалар кам көрүшөт. Эгер аялдар акча тапкысы келбесе, жок эле дегенде сарамжалдап кала алышат, ал эми бул турмушта маанилүү.

 

Бир орунга отура албадым, андыктан ушул ишти колго алууну чечтим. Азыр билгенимди бөлүшкүм келет, менин сабактарымдан соң өз иштерин ачып кеткен көптөгөн аракетчил айымдарды билем. Бул иш тек гана энелерге энчиленген эмес, эгер мырзалардан да кызыккандар табылса, сабагыма келиңиздер!

— Окутуу акысы канча турат?

— Эки айлык акы 6 миң сомду түзөт. Лекцияларга билгенимди бүт топтогом, азыркыга чейин ар кыл онлайн аянтчаларда дагы да болсо окуп келем. Дүкөндөрдү кыдырып күн коротуунун кажети жок чагыбызда, компьютердин баскычына бармак басуу менен тандаган товарыңызды сатып алуу ыңгайлуу. Мен ушул маданиятты жайылтуудамын.

Дагы: https://sputnik.kg/society/20190103/1042675609/laura-zhorobekova-menen-maek.htmlскачать dle 11.0фильмы бесплатно