Бүгүн:

Акыркы кабарлар

11:45
Суусамырда кырсыктан набыт болгон бүлө. Туугандары 100 миң сомун таппай жатат
10:25
Суусамырда бир бүлөнүн өмүрүн алган кырсык. Из жашырган айдоочу кармалды
15:02
Кой-Ташта спецназдын таягынан бир адам көз жумдубу? УКМК Карамушкинага жооп берди
11:15
ИИМ: алдамчылыкка шектелген кыргызстандык аскер аял Москвадан кармалды
10:33
Билим берүү министрлиги мектеп формасы боюнча сунуштама берди
15:10
Достукта "режим" алдын алуу иш чаралары жүргүзүлдү
10:26
Аксыдагы "Кербен" аэропорту учактарды кабыл алууга даяр
09:57
Курсан Асановдун үйүн тинткендер эмне алып кеткенин адвокаты айтып берди
15:55
Спецназдын каза болгон жоокеринин бүлөсүнө кандай жардам берилери айтылды
15:49
Жеңиш чокусунан учуп түшкөн россиялык альпинист каза тапты
15:47
Атамбаевди кармоо. Башаламандыктан борбор калаа 2 млн. сомго чыгым болду
11:51
Кадамжайда 44 килограммдан ашык героинди кантип кармашты? Сүрөт
12:54
Ат-Башыда Курман айт майрамына карата жакыр үй-бүлөлөргө жардам берилди
11:41
Атамбаевдин үйүнө бараткан аскерлердин жоон тобу. Кой-Таштагы сүрөттөр Алмазбек Атамбаевди кармап кетишти
10:35
Милиция Атамбаевдин үйүнө чейинки жолду ачты
10:28
Алмазбек Атамбаев бийлик менен элге кайрылуу жасады
09:55
Президент Жээнбеков Коопсуздук кеңешинин жыйынын өткөрөт
09:51
Курсан Асанов Атамбаевдин тарапташтары менен сүйлөшүп жатат
09:27
Бишкек шаарында абал тынч
13:08
Солтон-Сарыдагы кытай компаниясы ишин убактылуу токтотту
12:53
Солтон-Сарыдагы чыр: нааразы болгон эл жол тосууга камынып жатат
12:44
Солтон-Сары: кытай компаниясы жумушчулары менен техникасын кенден чыгарып кетти
12:58
Бишкектин эки жаңы конушу борбордук канализацияга кошулууда
11:31
Ат-Башыда түндө жер титиреди
10:52
УКМК издеген Шаикова эмнеси менен белгилүү. Кызыктуу 7 факты
17:03
Абактагы наркобарон кызга айланып... Кылмышкердин кармалгандагы видеосу
16:18
Дордойдогу кампадан кечээ чыккан өрт өчүрүлө элек
13:39
Москвадагы кыргыз мигранттары 43 күн жоголгон таиланддык кишини таап беришти.
13:19
Өкмөт Казакстанда мертинген мекендештердин сөөгүн алып келүүгө жардам берет
17:19
Колу байланып, керебетке таңылган кыздын тагдыры эмне болду? Окуянын чоо-жайы
17:15
Жээнбеков Путинге Россиядагы кыргызстандыктарды колдогону үчүн ыраазы болду
17:04
Жээнбеков мигранттарга берилчү "Мекен карттын" артыкчылыгын айтты
10:06
Бишкектин депутаттары "Газпромдун" мектебин коомдук фондго өткөрүп беришти
10:05
Токой чарба агенттигинин директору Рустамов пара алып жатып кармалды
14:23
Эсеп палатасынын инспектору кармалды. Айыбы эмнеде?
11:07
Адамзат кайра калыбына келчү бир жылдык ресурстарды түгөтүп бүттү
15:37
Казакстандын премьер-министри Аскар Мамин Кыргызстанга келди
10:27
"Беш күндөн бери дайынсыз". Кыргыз-тажик чек арасындагы айылдыктар нааразылыкка чыкты
12:39
Тоо койнундагы Көл-Төрдүн асмандан тартылган сүрөттөрү
11:37
Мурдагы президент Алмазбек Атамбаев суракка чакырылды
11:36
Алмазбек Атамбаев суракка барар-барбасын айтты
10:49
Унутулган рюкзак полицияны убара кылып, элди дүрбөттү. Казакстандагы окуя
10:47
Кыргызстанда жаңы мамлекеттик ишканалар түзүлдү. Милдеттери
09:33
Бишкектин чок ортосунда тез татым жайы күйүп кетти. Сүрөт, видео
09:31
Жалгыз уулу эле... Кырсык тооруган Абдылдаевдин үй-бүлөсүнүн таржымалы
Бардык кабарлар

Дүйнө чемпиону Баха Москвада жүк ташып иштейт... Кыргыз мушкеринин жашоосу

Жаңылыктар / Дүйнө жаңылыктары / Спорт
151
0

Кыргызстандык спортчунун мелдешин миңдеген адам күтүүдө. Ал эми Баха (спорттогу каймана аты) Москвада жүк ташуучу болуп эмгектенет. Машыгуу залы жашаган жеринен 70 чакырым алыстыкта жайгашкан.

Sputnik агенттигинин кабарчылары Бахтияр Тойчубаевдин жумушуна барып маектешип, андан ары машыгуусуна алып кетти.

 

Мушкердин спорттук жетишкендиктери тууралуу кыскача айта кетсек, 27 жаштагы Бахтияр Тойчубаев бокс жана ММА боюнча спорт чебери. Аралаш мушташ боюнча 11 беттешти утуп, 4 гана ирет жеңилген. 2015-жылы Молдовада ММА боюнча (WMMAF версиясында) дүйнө чемпиону аталган.

Акыркы жылдары беделдүү делген кореялык Road FC уюмунда күч сынашып келет.

Эч кандай жасалмалуулук жок

Бахтияр Тойчубаев иштеген кампа Москванын четиндеги Домодедово шаарында жайгашкан. Шаар анча чоң эмес.

Бахтияр иштеген ири өндүрүштүк ангардын бийиктиги он метрди түзөт. Текчелерине турмуш-тиричиликке пайдалана турчу техника менен кир жуугуч машиналар коробкасы менен коюлган. Кампанын иреттүүлүгү менен тазалыгы өзүнчө кепке арзыйт, кудум операция жасалчу бөлмөдөй. Жүк ташыгычтардын бардыгы — кыргыздар.

"Бул жакта Бахтиярдан тышкары бокс боюнча чемпиондор Эркин Буржаноев менен Чынтемир Нарынбетов бар. Бардыгы жөнөкөй жигиттер. Жакшы иштешет. Кепке-сөзгө калышпайт", — деди кампанын башчысы Алишер.

Бахтияр бир күн иштеп, эки күн эс алат. Анткен менен күн сайын машыгуусу бар. Азыр эң башкысы, мыкты даярданып Кореядагы турнирди утуу керек.

"Жумушта мени баары түшүнөт. Кечкисин ар дайым саат ондо боло турчу көнүгүүгө жиберип турушат", — деди Бахтияр.

Кампанын ичинде дагы машыгуу бурчу бар. Адамдын тулку боюн элестеткен бокс "грушасы", аркан, турник жана пресс жасай турчу жабдыктар жетиштүү. Бахтияр бош боло калганда ушул жерден машыгарын айтат. Бирок жумуш учурунда залдагыдай тер төгө спорт менен алектене албайт. Машыгуу бурчунан жаш балдарды да көрүүгө болот. "Биз да Бахтиярдай болгубуз келет" деди алардын бири.

Чемпиондун жолу

Бахтиярдын машыккан залы "Преображенск аянты" метро станциясынын жанында жайгашкан. Домодедово менен залдын ортосун 70 чакырым алыстык бөлүп турат.

"Мен минтип жол жүрүп көнүп калгам. Албетте, оңой эмес. Кампадан станцияга чейин маршруттук унаа менен барам. Анткен менен кечки алтыдан кийин аталган транспорт токтойт. Такси чакырган күндөрүм болот", — деди Бахтияр.

Спортчунун өзүнүн машинасы жок. Кээде жолдон мекендештери тосуп алып кетет.

Бахтиярдын жубайы да буга чейин Москвада жашап, ашпозчу болуп иштеген.

Кыргызстанский боец Бахтияр Тойчубаев победителем турнира Road FC в Корее
© ФОТО / УРАН ИСМАИЛОВ
Бахтияр Тойчубаев акыркы жылдары беделдүү делген кореялык Road FC уюмунда күч сынашып келет. Сүрөттүн оң жагында машыктыруучусу Айбек Мусаев.

"Мен Москвага алты жыл мурда келгем. Мектепти бүткөндөн кийин иштеш керек болду. Мурда отелде ашпозчунун жардамчысы болуп иштегем. Азыр тамактын түрүн жасай алам. Бирок бул иш жакпайт. Меники эмес экен", — деди Бахтияр.

Мушкердин жубайы улуу баласы Билал менен Кыргызстанга кеткен. Бир ай мурда ал жактан экинчи уулу Данил да туулган. Эми Бахтияр жакындары менен жарым жылда бир жүз көрүшүп турат. Жайында үй-бүлөсү Москвага келет, ал эми кышкысын Жалал-Абадда болушат.

Албетте, Бахтияр үйүн сагынат, бирок ага Москвада жүргөн да жагат. Чоң шаар, көп мүмкүнчүлүктөр бар дегендей.

"Москвада мени көп билишпейт. Кыргызстанда таанымалмын. Ошондой эле көп мамлекеттерде күйөрмандарым бар. Бул мени кубандырат", — деди Тойчубаев.

Биз Бахтиярдан "көчөдө мушташып көрдүңүз беле?" деп сураганыбызда, "жок, эч качан, бирок ичип алып "атырылгандар" болгон" деп айтып берди.

"Мен аларга аралаш мушташ боюнча чемпион экенимди түшүндүрөм. Мындан улам өздөрү эле тобокелге барышпайт. Негизи эле чыр-чатактан айланып өткөнгө аракет жасайм", — деди спортчу.

 

Бахтияр спорттук карьерасын өзү туулуп-өскөн Жалал-Абад облусунан баштаган. Анда 8-класстын окуучусу эле.

"Мен бала кезимде эле спортчу болууну эңсегем. Бирок эмнегедир уялсам керек. Кеч баштадым. Ыкмаларды тез эле өздөштүрүп, ийгиликтерге бат жетише баштадым", — дейт спортчу.

Бахтиярдын Жалал-Абаддагы алгачкы жеңиши алигиче эсинде. Турнир анча чоң болбосо да анда жараткан ийгилиги төбөсүн көккө жеткирген. Көп өтпөй Тойчубаев бокс боюнча Кыргызстандын чемпиону аталган.

"Бардык турнирлерде Кыргызстандын желеги алдында чыгам. Ачыгын айтканда, биздин мамлекет спортчуларга эч кандай жардам көрсөтпөйт. Москвада иштеп жүргөнүбүздүн да себеби ушунда", — деди мушкер.

Бойцы по боям без правил кыргызстанец Бахтияр Тойчубаев и спортсмен из Чечни Ибрагим Бахромов на турнире JFC MMA 3 в Бишкеке
© SPUTNIK / ТАБЫЛДЫ КАДЫРБЕКОВ
27 жаштагы Бахтияр Тойчубаев бокс жана ММА боюнча спорт чебери. Аралаш мушташ боюнча 11 беттешти утуп, 4 ирет жеңилген. 2015-жылы Молдовада ММА боюнча (WMMAF версиясында) дүйнө чемпиону аталган.

Спорттук клубу

Баха машыккан "Жаш-Күч" клубу кечки 22:00дөн тарта иштейт. Спортчунун машыктыруучусу Айбек Мусаевдин айтымында, ар бир машыгууга 70-80дей бала келет.

"Спортчулардын көбү кыргыздар. Ошондой эле тажик, өзбек, молдовандар бар. Бизге москвалыктар, керек болсо чет жагында жашагандардын бардыгы келишет. Анткени машыгуу үчүн ай сайын эки миң рубль керектелет. Бул абдан арзан. Элдин көп келгени чыгымды актап кетет. Бизге рахмат айткандар көп. Себеби балдарды криминал, аракечтик, баңгизаттан оолак кылып, убактысын спортко жумшаганга жардам берип жатабыз", — деди Мусаев.

"Жаш-Күч" клубу Москвада абдан популярдуу. Бирок Кыргызстан тарабынан эч кандай колдоо жок. Элчилик да спортчулардын ал-акыбалына кызыкпайт.

"Бахтияр азамат. Машыгууларды калтырбай, кечикпей келет. Алдыга максат коюп, ошого жете билген мушкер. Жакында кайрадан Кореядагы беттешке барганы жатабыз. Келечекте АКШдагы уюмдарда ат салышкыбыз келет. Бул нерсе колубуздан келет", — деди машыктыруучусу.

 

Бахтияр машыгууда өзүн эч аябайт. Чуркоо, спарринг, турникке тартынуу сыяктуу көнүгүүлөрдү жан дили менен жасайт. Залдан кийин кайрадан кампадагы ишине кайтып, сменин аягына чыгарат. Баха жана анын жакын адамдары кезектеги беттешинде ийгиликке жетип, далай мелдештерде Кыргызстандын желегин бийик желбирете турганына ишенишет.



Дагы: https://sputnik.kg/sport/20190313/1043640725/moskva-bahtiyar-tojchubaev-sport-zhumush-video.html
скачать dle 11.0фильмы бесплатно
18+ © 2016 - Все права соблюдены.
Любое копирование, в т.ч. отдельных частей текстов или изображений, публикация и републикация, перепечатка или любое другое распространение информации, в какой бы форме и каким бы техническим способом оно не осуществлялось, строго запрещается без предварительного письменного согласия со стороны редакции. Во время цитирования информации подписчиками ссылки обязательны. Допускается цитирование материалов сайта без получения предварительного согласия, но в объеме не более одного абзаца и с обязательной прямой, открытой для поисковых систем гиперссылкой на сайт не ниже, чем во втором абзаце текста.
счетчик счетчик