"Учурда Баткен облусун калыбына келтирүү жана баткендиктердин коопсуздугун камсыздоо –улуттук эң башкы маселелердин бири. Биз бул ишти сөзсүз аягына чыгарабыз. Ар түрдүү себептерден улам учурунда чечилбей, акыры түбү кейиштүү кесепеттерге алып келген чек ара маселесин биротоло чечүү үчүн бардык жоопкерчиликти мойнубузга алып, чечкиндүү турабыз. Бизден кийинки муундарга чек арасы толук такталган, тынчтыкта жана бейпилдикте жашаган жаңы Кыргызстанды өткөрүп беребиз”, - деп билдирди.
Президент узаган жылы Кумтөр кенин башкаруу Кыргызстанга өтүп, өлкө бюджети көбөйүп, айлык акылар жогорулаганын, "Камбар-Ата-1” ГЭСи, Кытай-Кыргызстан-Өзбекстан темир жолу сыяктуу стратегиялык долбоорлорду баштоо аракети көрүлгөнүн кошумчалады.
Садыр Жапаров 2023-жылы өлкө экономикасын өнүктүрүүгө конкреттүү пландар бар экенин белгилеп, бул үчүн коомдо биримдик керек экенин билдирди.
Президенттин УТРК жана башка каналдардан көрсөтүлгөн куттуктоосу Баткенден түз берилгенин же алдын-ала жазылганын анын маалымат кызматы тактаган жок.