Жыл башынан бери Кадамжай районунун аймагында жаш балдар катышкан 17 жол кырсык катталып, 4 бала каза болсо, 15 бала денесинен ар кандай жаракат алышкан. Бул тууралуу жол коопсуздугу, кырсыктарды алдын алуу боюнча жыйында белгилүү болду.
Кадамжай райондук билим берүү бөлүмүнүн маалыматына караганда, жыйында жаш өспүрүмдөр арасында жол коопсуздугун сактоо, кылмыштуулукту алдын алуу, мектептердеги рэкетчиликти тыюу, мектептерге видеокамераларды орнотуу жана башка маселелер талкууланды.
Иш-чарага Кадамжай районунун акиминин орун басары Токто Илязова, РИИБдин алдындагы өспүрүмдөр менен иштөө инспекциясынын өкүлдөрү, район аймагындагы мектептердин мугалимдери катышты.
https://batken.turmush.kg/news:331312/?from=kg_turmush&place=newstoplast