Газета «Взгляд» принимает блочные, строчные объявления о покупке и продаже движимого и недвижимого имущества, и о покупке и продаже автомобилей. Объявления о вакантных должностях, о поиске работы, квартиры и др. Наш адрес: г. Жалалабат, ул. Шопокова 4.(пересечение ул.Чехова) Тел.: (03722) 7-34-84

Казакстан Кыргызстандын сүт иштетүүчү 5 ишканасынын продукциясын киргизүүгө тыюу салды

Казакстан Кыргызстандын сүт иштетүүчү 5 ишканасынын продукциясын киргизүүгө тыюу салды
Кыргызстандагы сүт азыктарын иштетүүчү 5 ишкананын продукциясын Казакстанга киргизүүгө тыюу салынды. Бул тууралуу кечээ, 15-октябрда Казакстандын Маалымат жана коммуникация министрлигинин басма сөз кызматы.

Маалыматка караганда, тыюу салууга ишканалардын инспекцияларында жана жеткирилген азыктардын мониторингинде эреже бузуулар катталганы себеп болду. Кыргызстандын 2 ишканасына тиешелүү продукциянын түрлөрү күчөтүлгөн лабораториялык көзөмөлдөн өткөрүлөт. Бул боюнча Кыргызстандын мамлекеттик фитосанитардык жана ветеринардык коопсуздук инспекциясы билдирүү жасай элек.

Аталган түзүм мамлекеттик казак-кыргыз чек арасындагы тилкеде күчөтүлгөн көзөмөл пландык режимдин негизинде жүрүп жаткандыгын маалымдады.

Казакстандын айыл чарба министрлиги 2017-жылдын 10-октябрынан баштап, казак-кыргыз чек арасында ветеринардык көзөмөл күчөтүлгөнүн билдирди. Учурда 6 чек ара ветеринардык постунда 32 испектор иш алып барып жатат.

Бүгүнкү күндө Кыргызстандын 25 ишканасы өздөрүнүн продукцияларын Казакстанга киргизүү укугуна ээ. Алардын ичинен:

15 — сүт азыктарын иштетүүчү ишкана;

8 — балык иштетүүчү ишкана;

2 — даяр эт продукциясын өндүрүүчү ишкана.
 

http://www.turmush.kg/news:333413
скачать dle 11.0фильмы бесплатно
  • 0
Добавлено: 17-10-2017, 12:28
0
505

Похожие публикации


© Copyright 2016 – Рекламно-информационный вестник «ВЗГЛЯД». Все права защищены.
Наверх