Жакында Улуттук Кызыл Ай Коомунун демилгеси менен Баткен облусундагы көз оорууларын дарылоо кызматын өнүктүрүү максатында “Баткен областындагы калктын көз оорууларды квалификациялык медициналык кызматына жетишүүсүн жакшыртуу” долбоору ишке ашырылат. Бул туурасындагы маалымат жыйыны өткөрүлүп, ага Баткен райондук мамлекеттик администрациясынын жана Баткен шаарынын, районунун, Кызыл-Кыя шаарынын медицина кызматкерлери катышты.

Жыйында белгилүү болгондой аталган долбоор Баткен облусунда 2016-2018-жылдар аралыгында ишке ашмакчы. Негизги максаты Баткен областтык ооруканасынын диагностикалык жана операциялык жабдуулар менен камсыз кылуу. Ооруканадагы көз ооруулар бөлүмүн ремонттоо. Дарыгер офтальмологун көз оорууларга операция жасоосун үйрөтүү. Медициналык персоналды кайрадан окутуу. Баткен ооруканасында оптика (Көз айнек жасоочу бөлүмүн ачуу). Негизинен көз оорууларды дарылоо инфратүзүмүн, жаңы жана сапаттуу деңгээлге чыгаруу. Калк арасында көз оорууларынын түрлөрүн жана алардын алдын алуу боюнча маалымат берүү болуп саналат.

Баткен райондук ҮДБнун жетекчисинин орун басары Арзыбек Бөрүбековдун айтымында, бүгүнкү күнгө чейин Баткен шаарында көз оорууларын дарылоочу атайын борбор жок болчу.

“Баткен облусу боюнча бир гана Кызыл-Кыя шаарында көз ооруларын дарылоочу борбор бар. Операция жасалып калган оорууларды алыскы Ош жана Бишкек шаарларына жөнөтүп келгенбиз. Эгер бул долбоор ишке ашып калса Баткен облусунун тургундарына абдан жакшы болот.”-дейт Бөрүбеков.

Динара КУРБАНБЕКОВА,

“Взгляд” Баткен облусу