Баткен районунун Ак-Сай айыл аймагынын Үч-Дөбө айылында такталбаган аймактарда алсак тыюу салынганына карабай мамлекеттик чек аранын участкасында Үч- Дөбөлүк тургун тосмо курууга аракет кылган анын тыюуну эске албаган аркети Тажикстандын жарандарынын Исфана районунун Ходжа -Алы айылынын тургундарынын нааразычылыгын жараткан. Натыйжада эки тараптан чогулуп кыйкырышып аягы таш ыргытуу менен аяктаган.
Окуяны ошол замат чечуу аркети көрүлүшү керек эле, дешет жергиликтүү тургундар. Эки тараптын акимдери окуя болгон жерге барышкан. Бирок эч кандай натыйжа чыккан эмес.Ошол эле учурда жергиликтүү тургундар меселени тез убакыттын ичинде чечип берүүнү өтүнүшөт. Болбосо жашоого эч кандай мүмкүнчүлүк жок экенин кошумчалашты.
Кийинчерээк Баткен ОИИБдин басма сөз кызматы
маалымдагандай, ОИИБдин жетекчилиги астында КР Атайын багыттагы полкунун, Тез
чара көрүү атайын отрядынын кызматкерлери жана ошондой эле Баткен РИИБдин
жетекчилиги, ыкчам-тергөө топтору аталган кырдаалды жөнгө салуу жана токтотуу
максатында окуя болгон жерге барышкан. Окуя болгон жерге кыргыз жана тажик тараптан 120 чакты тургундар
топтолушкан.
«Чек ара маселесинен улам топтолгон жарандар
тарабынан бири-бирине таш ыргытуулар болгон. Жагдайды көзөмөлдөө максатында
Баткен ОИИБдин жана коңшулаш Тажикстандын Согди ОИИБдин жетекчилиги биргеликте
иш-аракеттерди жүргүзүп, чогулган эки тараптуу элге түшүндүрүү иштерин
жүргүзүштү. Кыргыз-тажик тараптын жетекчилеринин жүргүзгөн сүйлөшүүлөрүнүн
негизинде чыр-чатак жөнгө салынып, чогулган эл тарады.
Окуяда учурунда аталган айылдын тургундары Анарбай Баянов жана Абдилазиз Асанов башынан жарааттарды алышкан. Жабырлануучулар ооруканага жеткирилип тиешелуу жардам көрсөтүлгөн. Жабырлануулардын айтымында таш катуу ылдамдык менен келгендиктен качууга мүмкүнчүлүк болбой калган. Ал эми дагы бир жаран колунан жаракат алган.
Областтык ооруканын директорунун дарылоо иштери боюнча орун басары Абдилазиз Асановдун айтыманда Баткен областтык биргелешкен ооруканасынын трамватология бөлүмүндө дарыланып жаткан жабырлануучулардын абалы туруктуу дешет.
Баткен областы кошуна Тажик жана Өзбек Республикалары менен чектешип турат.Тажикстан менен акыркы 5 жылда Кыргызстан ортосундагы такталбаган аймактарда делмитация жана деморкация иштери толук аягына чыкпагандыгына байланыштуу улам сайын чыр чатактар катталып келет.Буга 3- апрелде болгон окуя мисал боло алат.Учурда түзүлгөн кырдаалды мындан ары жөнгө салып, чек ара аймактарындагы элдин коопсуздугун камсыздоо маселелерин талкуулоо үчүн Баткен ОИИБдин башчысы, А.Тагаев менен Согди ОИИБдин башчысы, Х.Назаровдун ортосунда сүйлөшүүлөр жүрүп жатат. Учурда кырдаал туруктуу», - деп айтылат маалыматта.