Бүгүн:

Акыркы кабарлар

10:23
Facebook тармагына “Икрамжан Илмиянов камакка алынсын” делген документ тарады
10:11
Радикализмдин алдын алып... Студенттер 16 күндүк окуудан өттү
10:05
Эрежени бузбаңыз! Балыкчы шаарынын жолдоруна видео камералар орнотулду
09:37
Мектепке барып окуй албаган балдар эми үйдөн билим алат
09:26
Депутат: эл картошкасын сата албай кыйналып жатат
09:25
Анара Мамбеталиева кайра Мамэкотехинспекцияда иштемей болду
09:49
Түрк дүйнөсү тууралуу китеп чыкты
09:48
Бүгүн "Ак-Бата" жаңы конушундагы аялдарды дарыгерлер акысыз көрөт
09:45
Казакстандын Өзбекстандагы элчиси 400 миң доллар уурдаган деп айыпталууда
14:24
Жоголуп кеткен эки кыз менен бир бала Токмоктон табылды
14:19
Күн катуу сууктаса Бишкек ТЭЦи 3 күн ичинде жылуулук бере алат
14:05
Суракматов сөзүнө турду! Сабалган окуучу боюнча чоңдор жазаланды
14:04
Бишкекте фитосанитардык логистикалык борбор ачылды.
14:01
Бишкекте фонтандардын маалы бүттү
13:59
Мэрия жылуулукту качан берерин эки күндөн кийин так айтат
11:16
Кыргызстандын дагы бир учагы Москвада уча албай турат. Окуянын жоо-жайы
11:13
Бишкек — Ош жолундагы кыш. Кар менен тумандын видеосу
11:06
Көлдө чабак деп кайсы балык сатылып жатканын билбейсиңер да... Экологдун маеги
10:53
Мэр Азиз Суракматов оозу жырылгыча сабалган окуучудан кабар алды
10:21
Тигүүчү, тамада, ырчы. Өз кесибинен тыш кошумча жумушта иштеген мугалимдер
10:19
Чаткалда эски мектеп өрттөнүп, окуучулар китепсиз калды.
09:26
Бишкек тумчугуп баратат. Борбор калааны көчүрүү тууралуу 6 пикир
12:23
Милиция айдоочуларга дөңгөлөктү маалында алмаштырууну эскертти
12:21
Россия Борбор Азияга ракты дарылоо боюнча жардам берүүнү көздөйт
10:14
Бишкектеги кафенин кызматкерлерин катуу сабаган үч кишинин бирөө кармалды
10:03
Карамушкина Санкт-Петербургдагы кыргыздардын абалына кейиди
10:01
Депутат: куш тумоосу деп жатып ишкерлерге тоскоолдук жараткан жокпузбу?
10:37
Чүй облусунда үч туугандын машинасы табылып, өздөрү изделүүдө. Сүрөт
10:32
Бүгүн эл аралык кыздар күнү. Бишкекте кандай иш-чаралар өтөт
10:27
Кесиптешинин кылыгын жашырган 10 милиционерге чара көрүлдү
10:22
Новопокровкада алабайдын талоонуна калган кыз башынан жаракат алды. Милиция эмне деди
09:40
Депутат: Кыргызстанда эки гана лаборатория стандартка жооп берет
09:37
Султан Жумагуловдун сөөгү жерге берилди
09:35
Чүйдүн Казакстан менен чектешкен жери боюнча үч мекеме үч башка жооп берди
09:31
Бүгүн эртең менен Алайда жер силкинди
09:27
Махабат Мавлянова: коом моралдык жактан деградация болуп жатат
09:26
КР жарандары канча өлкөгө визасыз кире алат? Паспорттор рейтинги
10:40
Астанада төрт өлкөнүн төкмөлөрү катышкан эл аралык айтыш өтөт
10:39
Эмнеге Кыргызстандан акча сыртка "агып" кетет. Адистердин жообу
10:30
Бишкектин эң начар жана эң мыкты кафе-ресторандары. Тизме
10:26
Министр боло калам деп чырга кабылып... ЖКнын "атагы чыккан" экс-депутаттары
10:18
Лунара Мамытова кызматын тапшырат
10:09
Лейлектин айылдарына кар жаады. Жеринен алынган сүрөттөр
10:03
Бишкекте кышкысын селсаяктар үчүн баш калкалоочу жайлар ачылат. Даректер
09:52
Кыргызстандын ири ишканаларын ким тескейт? Таскагы катуу 8 жетекчи
Бардык кабарлар

Илим Карыпбеков: жаңы бийликке кыял көрсөткүдөй мен ким элем

Жаңылыктар
124
0

Азыр КТРКнын башчысы Илим Карыпбеков кызматынан качан кетээр экен деп кызыгып жаткандар көп.

Анткени буга чейин парламентте КТРКга жаңы көчмө студия 500 миң долларга кымбат алынганы тууралуу сөз болуп, коомчулукта бул үчүн Карыпбековду жазага тартыш керек дегендер чыккан.

Коомдук каналдын башкы директору Sputnik Кыргызстан агенттигинин редакциясына баш багып, өзүнүн тегерегинде болуп жаткан кырдаал тууралуу маек куруп берди.

Андан тышкары, балалык, спорт, ата-эне жана жаңы бийликке карата мамилеси тууралуу сүйлөштүк.

— КТРКнын жетекчилик кызматында дагы бир нече айлык мөөнөтүңүз калды окшойт. Анткен менен сизди кетсин дегендер чыгып жатат. Өзүңүз бул кызматтан тажап кеткен жоксузбу?

 

— Туура айтасыз, жетекчилик мөөнөтүм 2019-жылдын 19-январында аяктайт. Чынын айтканда, калган сегиз айды ушул жерден кетпей, догурунуп иштейин деген оюм деле жок. Болгону ушунча даярданып келгенден кийин күзүндө боло турган Дүйнөлүк көчмөндөр оюндарын татыктуу чагылдырып алсак деп ойлогом. Экинчиден, КТРК коомдук телерадио корпорация болгондон бери бир дагы жетекчиси мөөнөтүн толук иштей элек. Ошол себептен мен аягына чыксам деген тилегим бар. Анткени, жетекчи алмаша бергенден пайда чыкпайт, муну премьер-министрлердин мисалында деле көрүп жатпайбызбы. КТРКнын жетекчиси төрт жылга шайлангандан кийин ошол аралыкка план түзүп алат. Анан орто жерине жеткенде эле аны кетирип салып жатсак, кантип көтөрүлөбүз бир иштин аягына чыкпай. Ошондуктан, мени кетиргиси келип жаткандарга, сегиз ай чыдап тургула деп айтып жатам.

 

Генеральный директор КТРК Илим Карыпбеков во время интервью корреспонденту Sputnik Кыргызстан
© SPUTNIK / АЗАМАТ ТОТУБАЕВ
Илим Карыпбеков: жетекчилик мөөнөтүм бүтөрүнө сегиз ай калды

— Жаңы келген президент, анын командасы менен тил табыша алдыңарбы?

— Бийликке ким келбесин КТРКнын жетекчиси катары аны менен тил табышпай койгонго укугум жок. Мен эл шайлаган өлкө башчысы менен тил табышам же табышпайм деп кыял көрсөткүдөй ким элем? КТРКнын башчысы — жөн гана аткаруучу, каналдын башкы менеджери. Бийликке Сооронбай Шариповичтен башка бирөө келсе деле дал ушундай пикирде болмокмун. Мен ушул кызматымда экинчи президент, төртүнчү премьер-министр менен иштешип жатам. Алардын бирөө менен дагы эч кандай маселе жаралган эмес. Азыр "Илим Карыпбеков хамелеон, Атамбаевдин бийлиги менен иштеп, дагы деле кетпей жүрөт" деп айтып жаткандар толтура. Тилекке каршы, коом бийлик алмашса эле арыз жазып, кызматтан кетип калган адамдарды "ал кыйын, басып кетет" деп идеалга айландырып алган. Менин оюмча арыз жазып басып кеткенден оңой нерсе жок. Сен кетсең, ордунду басчулар толтура. Андан көрө тосоолдуктарга чыдап, ишиңдин майын чыгара иштеп кетиш керек. Биз азыр ушундай нерсени үгүттөп, ушуга үндөшүбүз керек.

Генеральный директор КТРК Илим Карыпбеков во время интервью корреспонденту Sputnik Кыргызстан
© SPUTNIK / ТАБЫЛДЫ КАДЫРБЕКОВ
Карыпбеков: КТРКда жетекчи болуу оңой эмес. Эмоцияга алдырып, өзүңдөн чыгып кетпеш үчүн чоң эмгек керек

— Коомдук каналдын башчылыгына талапкерлигиңизди кайра коеюн деген ой жокпу?

— Кайра коюңуз деп суранып жаткандар бар, бирок мен каалаган жокмун. Негизи өзүмдүн чакан ишкерлигим бар, ошону менен алек болсомбу деп пландап жатам. Азыр менин кетишимди аша чаап каалап жаткандар Карыпбеков кайра талапкерлигин койбосун деп аракет кылып жатат окшойт. Себеби үч жарым жылдан бери унчукпай келгендердин жарым жыл калганда минтип асылып жатканында бир себеп бар. Кээде алар өздөрү мени ошол жакка түртүп барып, талапкерлигимди койдуруп, анан ызы-чуу салгысы келип жатабы деп ойлоп коем.

— Саясий кызмат сунушталса барасызбы?

— Кандай гана кызмат сунушталбасын, менин билим деңгээлиме ылайык келип, ошол жерде пайдалуу бир нерсе кыла алам деп көзүм жетсе, макул болушум мүмкүн.

Генеральный директор КТРК Илим Карыпбеков с бабушкой в юности
© ФОТО / ИЗ ЛИЧНОГО АРХИВА ИЛИМА КАРЫПБЕКОВА
Карыпбеков 16 жашына чейин чоң энесинин колунда өскөн

— КТРКда миңден ашуун адам иштейт эмеспи. Ар биринин өзүнүн амбициясы, талабы, кыялы бар дегендей. Бул жумушка кол шилтеп кетип калгыңыз келген учурлар болгон жокпу?

— Туура, бул жерде жетекчи болуу оңой эмес. Эмоцияга алдырып, өзүңдөн чыгып кетпеш үчүн чоң эмгек керек. Эгер мен күнүнө эки сааттан спорт менен машыкпасам, чыдабайт болчумун. Стресстин баарын тер менен чыгарып ием. Болбосо КТРК "мен мен" деген Мелис Асаналиевичти (Эшимканов — ред.) тажаткан. Ал жерден ооруп, сынып, качып кеткендер болду.

— Оору демекчи, "жумуштан кетирилгенден кийин ооруканага түштү" делип жаткан мурдагы кызматкериңер Чынара Токоновадан кабар алып жатасызбы? Ички иликтөөлөр болуп жатса керек?

 

— Чынаранын абалын күндө сурап жатам. Акыркы маалымат боюнча ал азыр үйүндө. Жакындары анын тегерегинде болуп жаткан сөздөрдү өзүнө көрсөтпөй, окутпай жатышыптыр. Мен муну туура деп ойлойм. Дарыланып жаткан адамга кошумча стресстин кереги жок да. Абройлуу аксакалдардан турган комиссия түзгөм, алар иштеп жатат. Бирок акыркы бүтүмдү мен Чынаранын өзү менен кезигип, анын оюн уккандан кийин гана чыгарабыз. Туугандары уруксат берсе, жакында ал кишиге барып жолугам.

 

— Түшүнүктүү. Бир эмес, бир нече социалдык тармактарда активдүүсүз, буларга кантип убакыт табасыз?

— Убакытты туура пайдаланса, эки эсе көп нерсеге жетишсе болот. Мен социалдык тармактарга атайын бир убакыт бөлүп отурбайм. Өкмөткө же Жогорку Кеңешке барганда күтүүгө туура келип калат. Же тамак ичип отурганда, тоого барганда, уктаар алдында, иши кылып ушул сыяктуу убактарда пайдаланам.

Генеральный директор КТРК Илим Карыпбеков во время интервью корреспонденту Sputnik Кыргызстан
© SPUTNIK / АЗАМАТ ТОТУБАЕВ
КТРК жетекчисинин пикиринде сынды жактырбаган киши коомдук позициядан кетиши керек

— Өткөндө парламентте депутаттар "сессияны сапатсыз кылып көрсөтүп жатасыңар, депутаттардын бети кызарып көрүнүп атат" деген таризсе нааразы болушту эле…

— Биринчиден, Жогорку Кеңештеги сессиялардын жарымынан көбүн өздөрү тартат. Балким техникасынан кемчиликтер кеткендир. Экинчиден, азыр баарыбыз санарип системасындабыз. Анда адамдын бетинде кичинекей чийик болсо дагы даана көрүнүп турат. Үчүнчүдөн, депутат — бул эл көзүндөгү адам. Аны Жогорку Кеңеште гана эмес, көчөдөн же дүкөндөн деле тартып алышы мүмкүн. Мындай адам ар нерсеге даяр болуп жүрүш керек. Мисалы КТРКнын башкы директору дагы коомдук фигурага кирет. Мени КТРК жетекчилигине же депутаттарды Жогорку Кеңешке бирөө кыйнап, колуна кишен салып алып барып отургузган жок да. Ар бирибиз өз каалообуз менен келдик, өз ыктыярыбыз менен коомго чыгып жатабыз. Демек, ар кандай сын-пикирге, бетибизди кызыл-ала кылып көрсөтүп коюшуна даяр болушубуз керек. Өзгөчө депутаттар ар бир жыйын түз эфирде, журналисттердин катышуусу менен болорун сопсонун билет. Кээде мен деле Жогорку Кеңешке барганда өзүмдү бош таштап коем дагы бир маалда "журналисттер тартып алган жок болду бекен" деп чочуп эсиме келем. Эгер бетим кызарып же бир нерсем кыйшайып калса, ал менин күнөөм да. Сын-пикир жакпайт десе коомдук позициядан кетиш керек.

— Бизге буга чейин берген маегиңизде КТРКнын сайтын Sputnik Кыргызстан агенттигинен дагы окумдуу кылабыз дедиңиз эле. Ишке аштыбы?

— Жакында эле мониторинг кылдык. Сиздердин сайттан дагы деле артта экенбиз. Бирок айрым ЖМКларды басып өтүптүрбүз. Алдыга чыга албай жатканыбыздын себеби сайтыбызда сегиз гана адам иштейт. Албетте алар эч нерсеге жетишпейт. Көйгөйдүн баары каражатка барып такалып жатпайбы. Биздин бюджет тогуз жылдан бери эч өзгөрүүсүз келе жатат.

— Эми жеке жашооңуз тууралуу сүйлөшсөк. Буга чейинки маектериңизде чоң эненин колунда өскөнүңүздү айтып жүрөсүз. Өз ата-энеңиздин колуна качан келдиңиз эле?

— Апам мени студент кезинде төрөптүр, эки ай болгондо мамлекеттик экзаменерди тапшырыш керек болуп, айылга чоң апам менен чоң атамдын колуна таштайт. Чоң апам дүкөндөгү ишин таштап, мени багып жүргөн кезде ата-энем ажырашып кетишкен экен. Жарым жылдан ашыгыраак убакыт өткөндөн кийин апам таенемди ээрчитип алып мени алып кетем деп айылга барыптыр. Ал ортодо чоң энем мага көнүп алса керек, бергиси келбей, бир күн кечке улам бир кошунаныкына жашыныптыр. Таенем ошондо эми баланы оңой менен беришпейт, азырынча калтырып кое бер деп апамды алып кеткен экен.

 

Ошентип арадан жылдар өттү. Мен чоң атамдын кенжесимин деп ойлоп жүрдүм. Бирок бир күнү кошуна бала менен уруша кетсем ал "сени багып алышкан, апаң таштап кеткен" деп айтып салды. Буркан-шаркан түшүп чоң энеме келсем, мен анын баласы эмес, небереси экенимди айтып берди. Бирок өз апасына кетип калат деп чочулады окшойт, айтор, башында апаң сени таштап кеткен деп аны жаман көрсөтүп жүрдү. Бирок мен окууну бүтө жаздап калганда баягы саясат өзгөрүп, кайра өз апамды жакшы киши деп үгүттөй башташты. Байкуш чоң энем менен чоң атам биз карыдык, эми энеси менен тааныштыралы дешсе керек. Анүстүнө мен ат минип, улак тартып, айтор, жаны тынбаган бала болчумун. Балким айылда жүрсө ар кимге кошулуп ичип кетпесин деп ойлосо керек.

 

— Ошондо апаңыз менен качан тааныштыңыз?

— Мектепти бүткөндө чоң энем алгач өз атама жетелеп барды. Ал эчак үйлөнүп, жайланып, өзүнчө жашачу. Үчөөбүз гана калган учурда "баланы алып келдим, эми колуңан келсе окутуп ал, келбесе апасы менен тааныштырам" деди. Атам шарты жок экенин айтып, тааныштыра бериңиз деди. Ал убакта апам деле кыйналып жашап жатыптыр. Кийинки турмушу дагы оңунан чыкпай, эки эркек баланы жалгыз багып жүргөн кези экен. Ага карабай мени кабыл алып, бооруна тартты. Ошентип апамды биринчи жолу 16 жашымда көрдүм.

Генеральный директор КТРК Илим Карыпбеков во время интервью корреспонденту Sputnik Кыргызстан
© SPUTNIK / АЗАМАТ ТОТУБАЕВ
Илим Карыпбеков: өзүмдүн жашоом тууралуу кичине балдарга арналган китеп жаздым

— Ооба, эненин мээрими бардык балдарына жетет эмеспи. Инилериңиз кандай кабыл алды? Кайдан-жайдан бир тууган пайда боло калганы аларга күтүүсүз болсо керек?

— Албетте эч кимге оңой болгон жок. 16 жаштагы бирөө келип эле мен сенин балаңмын деп чыга калса… Апамдын туугандары башында каршы болушуптур, "өзүнчө өсүп калган баланы эмне кыласың, ашка жүк, башка жүк болот" деп.

— Ошентип чоң турмушка аттанып, шаардагы жашоо башталды?..

 

— Ооба. Бирок башында тоскоолдуктар көп болду. Көпчүлүк айылдык балдардай эле орусча билчү эмесмин. Бардык эле студенттердей болуп ар кайсы жумуштарда иштедим, көчө шырыпдым. Бирок аракет кылсаң, көп нерсеге жетет экенсиң. Мисалы мен ошол кезде мобилдик компанияны, аэропортту жетектейм, гезит ээси болом, маалымат агенттигин ачам же КТРКнын башчысы болом деп ойлогон эмесмин да.

 

Баса, мен өзүмдүн жашоом тууралуу жаштарга, өспүрүмдөргө арналган "Кыялдар орундалат" деген китеп жаздым. Аны кызматтан кеткенден кийин жарыкка чыгарам. Дегеним ал жакта менин өмүр жолумда кезиккен, кайсы бир деңгээлде роль ойногон саясатчылардын аттары бар. Азыр чыгарсам, сөзсүз саясий нукта карай башташат.



Дагы: https://sputnik.kg/society/20180608/1039574132/ilim-karypbekov-ktrk-maek.htmlскачать dle 11.0фильмы бесплатно