DataLife Engine > Жаңылыктар > Солтон-Сарыдагы кытай компаниясы ишин убактылуу токтотту

Солтон-Сарыдагы кытай компаниясы ишин убактылуу токтотту

 

Мындай чечим Экологиялык жана техникалык коопсуздук боюнча мамлекеттик инспекциясынын корутундусунун негизинде кабыл алынган.

Солтон-Сары кениндеги Zhong Ji Mining Company тоо-кен компаниясынын ишмердүүлүгү убактылуу токтотулду. Бул тууралуу биринчи вице-премьер-министр Кубатбек Боронов билдиргенин өкмөттүн маалымат кызматы кабарлады.

Мындай чечим Экологиялык жана техникалык коопсуздук боюнча мамлекеттик инспекциясынын корутундусунун негизинде кабыл алынган.

 

6-августта биринчи вице-премьер-министр Кубатбек Боронов баштаган бир катар аткаминерлер Нарын облусуна барып, ошол аймактагы айылдардын жашоочулары менен жолугуп, чырлашкан эки тараптын тең жүйөлөрүн уккан. Жолугушууда чогулган эл бийликке талап коюп, өкмөт башчы менен спикер үч күндүн ичинде келип көйгөйдү жеринен чечип берүүсүн талап кылышкан.

Боронов жергиликтүү жашоочулардын койгон талаптары мыйзам чегинде аткарыларын айткан. Мындан тышкары, кенде жергиликтүү калктын жана кытай компаниясынын өкүлдөрүнүн ортосунда болгон окуяларга тыкыр тергөө жүргүзүлөт.

"Ведомстволор аралык атайын комиссия өз ишин жүргүзөт. Алардын ишинин жыйынтыгы боюнча тиешелүү чечимдер кабыл алынат",— деди Боронов.

Zhong Ji Mining Company компаниясы Солтон-Сары кенинде 2009-жылдан тартып иштейт. Солтон-Сары кени Бишкек шаарынан 355 чакырым аралыкта, Нарын облусундагы Капка-Таш тоосунун түндүк капталында, деңиз деңгээлинен 3500-3600 метр бийиктикте жайгашкан. Татаалдыгы боюнча 4-топко кирет. Кен-Бучук жана Алтын-Төр деген 2 участоктон турат.

 

Кытай компаниясына кен пайдалануу укугуна биринчи лицензия 2009-жылы Геология жана минералдык ресурстар боюнча мамлекеттик агенттиктин директору Капар Курманалиев тарабынан берилген. Кийин уруксат кагаздарын 2011-жылы Замирбек Эсенаманов, 2014-жылы Дүйшөнбек Зилалиев, 2018-жылы Сүйүнтбек Аликеев тарабынан узартылган. Акыркы уруксат кагазы 2018-жылы 9-февралда берилген.

3228 АЕ лицензиясы — 2013-жылдын 4-февралында 2033-жылдын 4-февралына чейин Солтон-Сары кенинин Бучук участкасынан алтын казууга 20 жылга уруксат берилген. Лицензияны Геология жана суу ресурстары боюнча мамлекеттик агенттиктин башчысы Ишимбай Чунуевден алышкан.

Дагы: https://sputnik.kg/society/20190807/1045321244/solton-sarydagy-kytaj-kompaniyasy-ishin-ubaktyluu-toktottu.htmlскачать dle 11.0фильмы бесплатно



Вернуться назад