Ысык-Көл КМШ өлкөлөрүндөгү мыкты курорттордун катарына кирди
Ысык-Көлдө эс алууга туристтер суткасына орто эсеп менен 75 доллар коротот.
БИШКЕК, 11-май — Sputnik. Ысык-Көл россиялык туристтер арасындагы эң популярдуу беш корорттун катарына киргизилди. Бул тууралуу ТурСтат аналитикалык агенттиги билдирди.
Аталган агенттик 2017-жылдын жай айларына карата туристтердин саякатташы үчүн КМШ өлкөлөрүндөгү курортторду аныктаган.
Россиялык туристтер арасында КМШ мамлекеттеринин ичинен алдыңкы орунга чыккан курорттор төмөнкүлөр: Бурабай (Казакстан), Ысык-Көл (Кыргызстан), Нарочь (Белоруссия), Ленкорань (Азербайжан) жана Севан (Армения).
Рейтинг мейманканаларды онлайн түрдө брондоонун негизинде чыгарылган.
ТурСтат агенттигинин маалымдашынча россиялык туристтер Бурабай курортуна орто эсеп менен 12 күнгө, Ысык-Көлдө 10 күнгө, Нарочдо 8, Ленкоранда 7, Севанда 3 күнгө токтолушат. Ысык-Көлдө эс алууга туристтер суткасына орто эсеп менен 75 доллар коротот.
Дагы: https://sputnik.kg/society/20170511/1033314985/ysyk-kol-mykty-kurort-ataldy.html
Вернуться назад