DataLife Engine > Жаңылыктар / Экономика > Быйыл Кыргызстан Кытайга алча менен коон экспорттойт

Быйыл Кыргызстан Кытайга алча менен коон экспорттойт

Алча. Архивдик сүрөт

 

Кыргызстандын айыл чарба тармагындагы экспорт 129 пайызга өстү

БИШКЕК, 31-май — Sputnik. 2017-жылдын биринчи кварталында Кыргызстандын айыл чарба тармагындагы экспорту 129 пайызга өскөн. Бул тууралуу айыл чарба, тамак-аш өнөр жайы жана мелиорация министринин орун басары Эркин Чодуев маалымат жыйында билдирди.

Экспорттук көрсөткүч мал чарбачылыгында жана кайра иштетүү тармагында сыртка чыгарылган азыктардын көлөмү жогорулаганынан улам өскөн.

"Быйыл экспорттук өсүү былтыркыга караганда бир топ жакшы болору күтүлүүдө. Анткени 2017-жылы эки өлкө ортосунда түзүлгөн келишимдерге ылайык, Кыргызстан Кытайга алча менен коон экспорттой баштайт", — деди Чодуев.

Ал ошондой эле экпорттук потенциалдын жогорулашын өкмөттүн "Айыл чарба тармагын каржылоо-5" долбоорун ийгиликтүү ишке ашырып жатканы менен байланыштырды.
Долбоор алкагында жеңилдетилген насыя алган дыйкан-фермерлердин саны көбөйүп, алар өндүргөн азыктарын сыртка чыгара баштаган.
Чодуев андан сырткары быйыл төө буурчак менен пахтаны жылдагыдан көбүрөөк экспорттоого да өзгөчө көңүл буруларын кошумчалады.

Дагы: https://sputnik.kg/economy/20170531/1033612622/kyrgyzstanga-kytajga-alcha-menen-koondu-ehksporttojt.html

скачать dle 11.0фильмы бесплатно



Вернуться назад