DataLife Engine > Жаңылыктар / Кыргызстан > АКШ виза берүү эрежесин катаалдантты, бул КР жарандарына да тиешелүү

АКШ виза берүү эрежесин катаалдантты, бул КР жарандарына да тиешелүү

Нью-Йорк шаары. Архивдик сүрөт

 

Эми АКШ консулдуктарынын кызматкерлери Америкага келүүнү каалагандардын социалдык тармактагы баракчасын, электрондук почтасын жана телефон номерлерин сурай алат.

БИШКЕК, 2-июн. — Sputnik. АКШ президенти Дональд Трамптын администрациясы виза алам дегендерге аны берүү тартибин катаалдантты. Бул тууралуу Reuters маалымат агенттиги билдирди.

Эми Америкага келем дегендер, анын ичинде Кыргызстандын жарандары үчүн да жаңы анкета бекитилди. Анда виза алууну каалагандар социалдык тармактагы баракчасын, электрондук почтасын жана телефон номерин жазышы керек. Андан сырткары, Америкага барам дегендер акыркы беш жылдагы маалыматтарын дагы бериши кажет.
Тийиштүү чечим 23-майда Ак үйдүн башкаруу жана бюджет кызматында кабыл алынган.
Ошондой эле буга чейинки чет жакка чыгууда колдончу паспорттордун номерин, акыркы 15 жылда кайда барганын жана кандай кызматтарда иштегени боюнча маалыматтарды жазышы керек.

Аталган суроолор анкетада милдеттүү эмес деп белгиленген, бирок аларга жооп бербегендерге виза берүү создуктурулуп же андан баш тартууга алып келиши мүмкүн.

Дагы: https://sputnik.kg/migration/20170602/1033649386/aksh-viza-beruu-ehrezhesi-kyjyndady.html

скачать dle 11.0фильмы бесплатно



Вернуться назад