25-апрелде ОшМУнун илим, аспирантура жана докторантура бөлүмү тарабынан ректор Кудайберди Кожобеков баштаган ОшМУнун окумуштуулары, магистранттары, аспиранттары, Кыргызстандагы башка жогорку окуу жайлардын изилдөөчүлөрү, ошондой эле Венгрия, Россия мамлекеттеринин илимпоздорунун катышуусунда онлайн илимий конференция уюштурулду. Конференцияда негизги баяндамачы катары ОшМУнун сыймыктуу бүтүрүүчүсү, Назарбаев университетинин профессору Дүйшөн Шаматов «Илимий изилдөө усулдары» деген темада доклад жасады.
Баяндамадан соң суроо-жооп болуп, кызуу талкуу жүрдү. Окумуштуулар илим чөйрөсүндөгү актуалдуу маселелерди талкуулап, пикир алышып, суроолорго чогуу жооп издешти жана келечекте кызматташуу белгиленди.
ОшМУда жыл сайын эл аралык илимий конференциялар, симпозиумдар үзгүлтүксүз өткөрүлүп келет. Учурдагы кырдаалга байланыштуу илим жумалыгынын алкагында аймактык, эл аралык илимий вебинарлар видео конференция түрүндө өтүүдө.
Ректор онлайн видео конференцияны жыйынтыктап жатып, ушул жуманы ОшМУда «Онлайн эл аралык, регионалдык видео конференциялардын жумалыгы» деп жарыялады.
26-апрелде ОшМУнун орус филологиясы факультетинде да вебинар уюштурулуп, профессор Д.А.Шаматов тарабынан «Илимий эмгектерди Scopus, Web of Science системаларына жарыкка чыгаруу» деген темада баяндама жасалган.http://www.turmush.kg/news:396972?from=turmush&place=byregion