DataLife Engine > Ош жаңылыктары > Ош шаарынын эң мыкты 10 мектеби аныкталды Толугураак

Ош шаарынын эң мыкты 10 мектеби аныкталды Толугураак

27-август күнү Ош шаарында мугалимдердин август педагогикалык кеңешмеси өттү. Ага Ош шаарынын мэри Т.Сарыбашов, Ош шаардык кеңешинин төрагасы Ж.Ормонов, Билим берүү жана илим минстрлигинен өкүлдөр жана шаардагы мектептердин мугалимдери катышты.

Кеңешменин алдында шаардагы мектеп мугалимдеринин жана окуучулардын колунан жасалган буюмдар жана көрсөтмө куралдар көргөзмөгө коюлду. Андан соң кеңешменин расмий ачылуу аземи болуп, анда шаар мэри Т.Сарыбашов шаардагы мектептерде коррупциялык көрүнүштөр айтылып жатканына токтолду.

Шаардагы мектептердин мыкты мугалимдери, республикалык жана шаардык олимпиадаларда мыкты көрсөткүчтөргө ээ болгон мектептер менен бала бакчалардын жамааты калаа мэри жана шаардык кеңештин төрагасы тарабынан Ардак грамота жана баалуу белектер менен сыйланышты.

Ош шаардык билим берүү башкармалыгынын жетекчиси Авазбек Асанов буга чейин жалпы республикалык тестирлөөнүн жыйынтыгы чыккандыгын, анда жалпы эсепте Ош шаары 2-орунда экендигин, бирок ошол эле убакта «алтын» сертификаттардын саны боюнча Бишкек шаары бир катар алдыга оозуп кеткенине токтолуп, бул жаатта Ош шаары ЖМК сынына кабылгандыгын айтып, буларга токтолду.

«Буга чейин билим берүү жаатында Ош шаары ЖМКда кескин сынга алынган. Биз андагы сындарды туура кабыл алып, мындан жыйынтык чыгарууга аракет кылып жатабыз. Учурда Ош шаарындагы орус тилдүү мектептерде башталгыч класстарынын мугалимдери жетишсиз. Буга чейин орус тилдүү мугалимдер эки кезекте сабак берип келгени баарыбызга белгилүү. Ошондой эле биз билим берүү багытында алдыңкы 10 мектептин жана артта калган 10 мектептин рейтингин чыгардык», - деди А.Асанов.

Ош шаарындагы алдыңкы 10 мектеп:
1. «Олимп» мектеп-гимназиясы;
2. №32 орто мектеби;
3. №52 орто мектеби;
4. №20 орто мектеби;
5. №14 орто мектеби;
6. №18 орто мектеби;
7. №3 орто мектеби;
8. №38 орто мектеби;
9. №27 орто мектеби;
10. №6 мектеби.

Ал эми акыркы ондукта калган мектептер:
1. №34 орто мектеби;
2. №45 орто мектеби;
3. №19 орто мектеби;
4. №22 орто мектеби;
5. №33 орто мектеби;
6. №24 орто мектеби;
7. №29 орто мектеби;
8. №46 орто мектеби;
9. №49 орто мектеби;
10. №51 мектеп.

Буга чейин жалпыга маалымдоо каражаттарында Ош шаарынын билим дэңгээли төмөндөп кеткени боюнча жазылган. Бул маселе боюнча мэр Т.Сарыбашов кескин чаралар көрүлөрүн айтып, Ош шаардык билим берүү башкармалыгынын башчысы А.Асановго конкреттүү иштерди жасоо, коррупция менен айыпталган мектептер менен бала бакчалардын директорлорун иштен алуусун жана 30-40 жылдан бери бир мектепте директор болуп эмгектенип жүргөндөрдүн иш ордун караштыруусун буйруган.

Ош шаары боюнча жалпы 3 миңдей мугалим эмгектенет. 
Толугураак 
 
https://bilim.akipress.org/kg/news:351070?place=choice&from=pro26
скачать dle 11.0фильмы бесплатно



Вернуться назад