Өзгөндө издөөдө жүргөн жаран кармалды

Маалыматка караганда, 27-ноябрь күнү Өзгөн райондук ички иштер бөлүмү тарабынан жүргүзүлгөн ыкчам-издөө иш-чараларынын натыйжасында алдамчылык фактысы менен Өзгөн районунун 44 жаштагы Ш.Д., аттуу тургуну Кара-Суу районунун аймагында жашынып жүргөн жеринен кармалды. Аталган факты Өзгөн РИИБде катталып, Кылмыш-жаза кодексинин 209-беренесинин (алдамчылык) негизинде кылмыш иш козголгон.

 

2020-жылдын ноябрь айында Өзгөн шаарынын 27 жаштагы тургуну арыз менен кайрылган. Анда 2020-жылдын ноябрь айында өзүн Кызыл-Кыя шаарынын Алик деп тааныштырган тургуну ага кардар катары келип, жабырлануучуга таандык болгон «Ниссан Микра» үлүсүндөгү автоунаасын 150 миң сомго баалап, акчасын 1- 2 саатын ичинде алып келип берем деп, башка бирөөгө сатып жибергенин билдирген. Учурда шектүүлөр мындан башка кылмыштарга тиешеси бар же жок экендиги текшерилүүдө. Тергөө амалдары уланууда. 

 

Источник: https://osh.turmush.kg/news:485115