Маалыматка караганда, ИИМдин Баңгизаттарды мыйзамсыз жүгүртүүгө каршы күрөшүү кызматынын Ош шаары жана Ош облусу боюнча башкармалыгынын кызматкерлери тарабынан 2021-жылы Жалал-Абад облусунун Токтогул районундагы Ничке-Сай айылынын аймагында козголгон кылмыш иштеринин алкагында Ничке-Сай айылынын 1986-жылы туулган тургуну М.А.дан 2 кг 160 грамм болгон баңгизатын алуу боюнча атайын тергөө аракеттери жүргүзүлгөн. 

 

Жүргүзүлгөн издөө иш-чараларында М.А.ны иш жүзүндө кармоого мүмкүн болгон эмес. Анткени ал кылмыш жасалган учурда гашиш баңги каражатын катканга жетишип, кылмыш жасалган жерден качып кеткен. Жалал-Абад ОИИБдин тергөө кызматы тарабынан Жалал-Абад шаардык сотунун тергөө судьясынын санкциясынын негизинде издөө жарыяланып, кармалган учурдан тартып камакка алуу чарасы тандалып алынган.

 

Мындан тышкары М.А. Кылмыш-жаза кодексинин 282-беренесинде (баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо) каралган мурда козголгон 3 кылмыш иши боюнча айыпталууда. 

 

Жүргүзүлгөн ыкчам издөө иш-чараларынын жыйынтыгында шектүү 2022-жылдын 17-ноябрында Жалал-Абад облусунун Суусамыр өрөөнүнүн аймагында кармалып, Жалал-Абад ОИИБдин тергөө кызматына жеткирилип, андан соң убактылуу кармоочу жайга киргизилди.

 

Учурда шектүүнүн башка кылмыштарга тиешеси бар же жок экенин аныктоо боюнча атайын тергөө аракеттери жүргүзүлүүдө.

 

Источник: https://jalal-abad.turmush.kg/news:484071