DataLife Engine > Жалал-Абад жаңылыктары > Аксыда жумуштан бошотулган кызматкер кайра жетекчи болду. Эмгек жамаат эмнеге нааразы?

Аксыда жумуштан бошотулган кызматкер кайра жетекчи болду. Эмгек жамаат эмнеге нааразы?

Аксы райондук эмгек жана социалдык өнүгүү башкармалыгына жаңы дайындалган жетекчини эмгек жамаат кабыл албай, иш таштап, райондун акими менен сүйлөшүүдөн кийин кайрадан жумушка чыгышты. Бул маалыматты аталган башкармалыктын жетекчисинин орун басары Илич Узенов тастыктады.

Маалым болгондой, Аксы аймактык эмгек жана социалдык өнүгүү башкармалыгынын башчысынын милдетин аткаруучу болуп Мирлан Сапаров дайындалган. Тиешелүү буйрукка саламаттыкты сактоо жана социалдык өнүктүрүү министри Алымкадыр Бейшеналиев 20-сентябрда кол койгон. Ал эми бул жетекчи ушул жылдын 17-сентябрында Эмгек кодексинин 83-беренеси (иш берүүчүнүн демилгеси боюнча эмгек келишимин бузуу) менен жумуштан бошотулган. Башкармалыктын башчысы 14-сентябрдан 24-сентябрга чейин дарыланып жүргөн учурда кызматынан бошогон.

«Жетекчибиз Таалайбек Исанов 14-сентябрдан 24-сентябрга чейин больничныйда болгон. Бүгүнкү күндө облустук ооруканада жатат. 20-сентябрда министрдин буйругу менен жумуштан алынган. Ал эми жетекчинин орун басары устав боюнча автоматтык түрдө милдетин аткаруучу болуп калат. Мындан улам орун басар эсепкананын башка адиси Мирлан Сапаровду 17-сентябрда берене менен жумуштан бошотуп жатат. Берене менен кеткен кызматкер 20-сентябрда жетекчинин милдетин аткаруучу болуп дайындалып калууда. 23-сентябрда буйрук эмгек жамаатка тааныштырылып, кызматкерлердин 60 пайызы жумуш таштоого бармак болушкан. Жума күнү район акими жамаат менен жолугушуп, кызматкерлерди жумуш таштабоого чакырып, сүйлөшүүдөн улам жумушка чыгышты. Бирок бул баары толук иштеп жатат дегенди билдирбейт», - дейт Илич Узенов.

Анын айтымында, жамаат жаңы жетекчиликке каршы болуп жатат.

Аксы районунун акими Замирбек Сыдыков эмгек жамаат каршы болуп жатканын тастыктап: «Мага жумуш таштоого барышары боюнча келишкен. Аларга болгондо да аярлуу катмардагы адамдар менен иштейсиңер, иш таштоону токтотуңуздар дегем. Анткени ден соолугунан мүмкүнчүлүгү чектелген адамдар менен иштешет, жөлөк пул, пенсия алган адамдар бар. Аларга мамлекеттен чегерилүүчү акча бир күн да кечиктирилбеши керек. Буйруктун мыйзамдуулугун тийиштүү органдар карайт. Бизден эч кандай сунуш алынган эмес. Азыркы келген жетекчи берене менен кеткен экен, бирок ал кабары жоктугун айтып жатат. Муну тиешелүү тараптар өздөрү териштирип алышат», - деди аким.


 
https://jalal-abad.turmush.kg/news:446293скачать dle 11.0фильмы бесплатно



Вернуться назад