Бүгүн:

Акыркы кабарлар

16:43
Жакшы жаңылык! Кыргызстанда дагы 3 бейтап коронавирусту жеңди
16:41
Кыргызстанда коронавирус жуктурган 144 учур катталды. Алар кайсы аймактарда?
16:34
Кайсы облуска кандай жардам берилди? Өкмөттүн маалыматы
15:28
Чек арадан өтө албай калган мекендештер Оренбургдагы мейманканага жайгаштырылды
15:20
Нарындын ичинде унаа кыймылына чектөө киргизилди
15:15
Новосибирскиден уча албай калган 132 кыргызстандык мейманканага жайгаштырылды
14:35
Министр Фучиктеги заманбап кыргыз-түрк ооруканасы качан ишке кирерин айтты
13:07
Бишкекте алтоо. Кыргызстанда 14 адам коронавирусту кайдан жуктурганы айтылды
13:07
Министр: Ноокатта көз жумган бейтап кичи ажылыктан келген
12:51
"Акун" компаниясы: өткөрмө кагаздарын алдык, ун чыгарууну улантабыз
12:46
Даяр кагазды алып кетише элек! Бишкек комендатурасы "Акунга" жооп берди
12:36
Апрелде пенсия эртерээк берилип, акчаны почта кызматкери үйгө жеткирет
11:56
“Акун” компаниясы ун өндүрүүнү токтотту.
11:42
Бишкектин түштүк тарабы да карантиндик зонага кошулду. Көчөлөрдүн тизмеси
11:31
Үч адамдан ашык чогулбасын! Бишкек коменданты чектөөлөрдү күчөттү
11:28
Окуучуларды дистанттык окутууга видеосабактар кантип даярдалып жатат?
11:22
Нарын облусуна автоунаалардын кирип-чыгышы убактылуу токтоду
11:16
Бүгүндөн тарта Таласка кирип-чыгууга толугу менен тыюу салынды
11:03
Кыргызстан коронавирусту дарылоодо Россиянын дары-дармегин алабы? Министрдин жообу
11:02
Боронов: Кыргызстан сырттан келебиз деген бардык жарандарын тосуп алууга даяр
10:49
Бишкекте соцкызматкерлер карыларга тамак жеткирип, үйлөрүн дезинфекциялоодо
10:40
Жакшы кабар! Кытайда коронавирус жуктургандардын 93 пайызы сакайды
19:26
Чет өлкөлөрдө жүргөн 5 кыргызстандыкка коронавирус жукканы айтылды
19:24
Күнү-түнү иштешет! Бишкектин райондук штабдарынын телефондору
19:21
Калп айтпагыла, посттогуларды кагып-силкпегиле! Нарын мэриясы элге кайрылды
20:51
Балыкчыдагы посттон айдоочулар өтө албай жатышабы? Өкмөт жооп берди
20:51
Коронавирус: КРдин РФтеги элчилигиндеги штаб күчөтүлгөн тартипте иштеп жатат
20:48
Милиция күчөтүлгөн тартипте иштеп жатат. Өкмөттүн соңку маалыматы
20:45
Обсервацияга баары алынат. Сырттан келгендерди карантинге алуунун шарты өзгөрдү
20:39
Балалуу мамкызматкерлер кандай тартипте иштейт? Өкмөттүн жообу
20:32
Кол сунам дегендер болсо... Бишкек мэриясы ыктыярчыларды чогултууда
20:31
Кол сунам дегендер болсо... Бишкек мэриясы ыктыярчыларды чогултууда
20:29
Аэропортко жүргүнчүнү тосуп, узаткандар киргизилбейт! Штабдын эскертүүсү
19:51
Сыртта калган КР туристтеринин тагдыры кандай болот? Расмий жооп
19:42
Бишкек: коронавирус жуктургандар 24 жана 26 жаштагы жигиттер
19:41
Өзгөчө кырдаалда Бишкек — Ош жолу жабылабы? Өкмөттүн жообу
19:39
Бишкекте коронавирус жуктурган эки учур катталды
14:12
Жээнбеков Аксы окуясына карата кайрылуу жолдоду
14:10
Кыргызстандын жарандыгын алууну кимдер каалайт?
13:33
Бейөкмөт уюмдар КРдеги USAID ишмердүүлүгүн сындап жатат
13:31
Коронавирус өлкө казынасына кедергисин тийгиздиби? Жээнбековдун тапшырмасы
16:17
Кочкор: дезинфекция кылгандардан шек санап, фейк маалымат тараткан аял сурак берди
16:16
Коронавирус жакындады, баарына даяр турушубуз керек! Абылгазиев элге кайрылды
16:15
ИИМ: кыргызстандыктар менен бирге Европага героин ташыган чет элдиктер кармалды
15:43
Өкмөт ундун жана башка азык-түлүктүн баасына чектөө киргизет
Бардык кабарлар

Апамдын бай эркектерге таңуулаганынан тажадым. Кыздын каты

Коопсуздук
7
0

"Психолог менен баарлашуу" рубрикасынын бул жолку чыгарылышында апасынын "ач көздүгүнөн” тажаган кыздын каты жарыяланды.

— Саламатсыздарбы! Менин атым Жибек, 23 жаштамын. Жогорку окуу жайды бүткөнүмө бир жыл болду. Азыр Бишкекте эл аралык компанияда иштейм. Кудайга шүгүр, жашоомдо баары жетиштүү, телегейим тегиз десем болот. Бирок бир нерсе жүрөгүмдү оорутуп жүрөт.

Апамдын жалгыз кызымын, атам экөө мен төрөлгөндө эле ажырашып кетиптир. Азыр атамдын башка үй-бүлөсү, балдары бар. Жашоосу очор-бачар, мени менен катышпайт деле. Мен деле эмнегедир аны менен сүйлөшүүгө ынтызар болгон жокмун. Анткени апам эч нерседен кем кылбай бакты. Анын үстүнө таякелерим жакка аябай жакынмын, ошолордун кызы болуп калгам.

Мектепте окуп жүргөндө апам мени бербеген ийрими калган жок. Фортепиано, бий, кол эмгек, тил курстарынын баарына бардым. Азыр орус, англис жана немис тилдеринде эркин сүйлөйм. Апам кичинемден кыргыз эле эмес, дүйнө классиктеринин чыгармаларын окутуп үйрөттү. Ал адатым азыр дагы калбай, жаңы чыккан кызыктуу китептерди кууп окуйм. Баса, 8-9-класста окуп калганда моделдик мектепке киргизген. Ар жакта бир жылдай окуп, эки ирет мода көргөзмөсүнө катышкам. Модельер апамдын классташы болгондуктан сүйлөшүп, мага эң жакшы кийимдерди кийгизип, подиумга кыздардын алдында чыгарган. Башында аябай кубангам, бирок кийин такыр көңүлүм келбей таштап койгом. Анда апам мени көпкө алдап-соолап, алы жетпей калганда урушуп дагы көрдү. Бирок мен модель болгум келчү эмес.

Кыскасы, апам менин азыркыдай адам болуп чоңоюшума аябай жан үрөдү, анысы үчүн ыраазымын. Студент болордо дагы ректор группалашы менен сүйлөшүп, мыкты окуу жайга киргизген. Ректорду мага аяш ата дедиртип койгон.

 

Ошентип аяш атам окууну бүтөр-бүткүчө мени универститеттин ичиндеги жана андан башка коомдук иштерге аралаштырып жүрдү. Бир нече жолу чет өлкөдөн келген президенттерди тосуп алуу үчүн жиберген. Аэропортто нан, туз көтөрүп, кадырлуу коноктордун алдынан чыккан кыздар болот эмеспи. Ошол сыяктуу иш-чараларга барып келген сайын апам "ким менен тааныштың, телефонуңду сурагандар болдубу?" деп сурай берчү. Үчүнчү курстан тарта ачык-айкын эле улам бирөөнү таанышып көрбөйсүңбү деп сунуштай баштады. Дароо эле мындай бизнеси бар, мынча үйү бар, акыркы үлгүдөгү автосу бар деп байлыгына басым жасайт. Бирок мен аны кадыресе кабыл алчумун. Анткени эненин баары эле кызын жакшы жерге барсын, эч нерседен кор болбосун деп ойлойт да.

 

Төртүнчү курста окуп жүргөндө Эмил деген жигит менен таанышып, экөөбүз жакшы болуп кеттик. 2-3 ай сүйлөшкөн соң ал менин колумду сурады. Өзү менден төрт жаш улуу, билимдүү бала эле. Атасы университетте сабак берчү, өзү министрликтердин бирине сынактан өтүп, жаңы эле жумушка орношкон. Аябай аракетчил, кыскасы, жолдо калбай турган бала болчу. Бирок апам ага турмушка чыгышыма такыр макул болбой койду. Эмнеге десем, "мамлекеттик жумуштун тыйын санаган айлыгына кантип жашайсың?” деп урушуп койду. Мен сүйүүмдөн баш тартчу оюм жок болчу. Бирок Эмил бир күнү жок болуп кетти. Телефонун албай койгондуктан иштеген жерине барып күтүп, жолуктум. "Апаңдын сага пландары башка турбайбы? Ал экөөбүзгө жашоо бербейт. Мени унут” деп басып кетти. Менден оңой баш тартып койгонуна таарынып жүрүп, ошол бойдон мамилебиз үзүлүп кетти.

 

Ошентип арадан жылдар өтүп кетти. Ал ортодо апам мага улам бир киши сунуштаганын токтоткон жок. Көңүлүн калтырбайын деп бир-экөө менен жолугуп дагы көрдүм. Бирок бири да менин адамым эмес экенин түшүндүм.

 

2019-жыл аяктап баратканда апам мени дагы бир ирет сөзгө тартты. Бул жолу күйөөлөгөн немеси менден 15 жаш улуу экен. Кызыгы, эми жөн гана бай эмес, үй-бүлөлүү бай. Апамдын айтымында, аялы менен жакшы болбой, ажырашам деп жүрүптүр.

"Чет өлкөгө эс алганы кетип жатыптыр, 4-5 мамлекетти кыдырат экен, сени чогуу барып келсин деп атат” десе болобу? Аялычы деп сурасам "сени менен барып келгенден кийин аялы өзү эле кетет” деп жатпайбы. Ошондо "жарылып” кеттим. Мен эле эмес, апамдын дагы анык жүзү ачылып, экөөбүз катуу уруштук. Азыр ойлоп көрсөм апам мага жакшылап байлап туруп, кийин кымбатка сатчу малдай эле мамиле кылып жүрүптүр. "Мен сага бүт өмүрүмдү арнадым, бүт тапканымды салдым. Азыр ошонун үзүрүн көрүшүм керек. Мен сени небере багып, үйдө отурайын деп чоңойткон эмесмин”, — деп бетиме айтты.

Эмнеге тапкан-ташыганынын баарын мага жумшады? Атам менен ажырашканда өзү араң 25те экен. Эмне үчүн ошондо өзү бай күйөөгө тийип алган эмес? Эмнеге бай деп эле бир топ жаш улуу, катын-баласы бар бирөөгө берип, мени курмандыкка чалышы керек? Азыр ушул нерсеге жооп таппай жүрөм. Баса, апамдан бөлүнүп кеткениме бир нече ай болду. Ошондон бери көрө элекмин, таарынычым тарай элек.

Перизат Калмаматова, психолог:

 

— Урматтуу Жибек, бул жерде психологдун кеп-кеңеши сизге эмес, апаңызга керек экен. Апаңыз канчалык бапестеп, ошол эле учурда түгөй табуу жагынан катуу таасир этип чоңойтконуна карабастан, өз пикириңиз, принциптериңиз бар зээндүү кыз болуп чоңоюптурсуз. Сиздин өзүңүз каалагандай жашап, сүйүү менен турмуш куруу ойлоруңуз адам баласы үчүн эң нормалдуу көрүнүш.

 

Апаңыз тууралуу айтсам, балким ал жаш кезинде өзү эңсеген бир нерсеге жетпей калгандыр. Психологияда адамдар өзү жетпей калган нерсени баласынан көргүсү келет. Ошол нерсени уул-кыздарына таңуулайт. Азыр таарынычым жазыла элек деп жатасыз. Бир аз убакыт өткөн соң апаңыз менен сүйлөшүүгө аракет кылып көрүңүз. Ал кишиге чындап эле адистердин жардамы керектей көрүнөт.

Дагы: https://sputnik.kg/society/20200322/1047502326/apasynyn-achkozdugunon-tazhagan-kyzdyn-katy.htmlскачать dle 11.0фильмы бесплатно