Бүгүн:

Акыркы кабарлар

17:20
Роналду Италияда дарыланган кыргызстандык кызга учурашып, абалын сурады. Сүрөт
13:20
Депутат кечирим сурасын! ЖКдан чыгарылган аткаминер боюнча соцтармактагы пикирлер
16:14
ЖМК: Бишкектен учуп чыккан жүк ташуучу учак Тегеранда кулап түштү
16:08
Чыңгыз Айдарбеков Норвегияда жашаган мекендештер менен жолугат
14:20
Бишкекте жол кире эмне үчүн кымбаттайт. Мэриянын жообу
14:11
Иштеп, үй-бүлөнү баккан жакшы! Маршрутка айдоочулары видеокайрылуу жасады
11:06
Бишкекте учактын 4,5 саатка кармалышынын себеби айтылды
10:55
Каттоо кызматы жаңы үлгүдөгү айдоочулук күбөлүк бере баштайт
10:43
Бишкек: коомдук транспортто колдонулчу электрондук билетке тендер жарыяланды
13:08
Оңолот деген ушу! Түкүрүү үчүн колуна чака көтөрүп алган жигиттин видеосу
13:05
Көчөдө түкүрүнгөн эки милиционер изделип жатат
13:00
Алмазбек Атамбаев үй-бүлөсү менен Индияга учпай турган болду
12:56
Көчөдө түкүрүнгөн дагы эки милиционер видеого түшүп калды
12:54
Бишкектин маршрутка айдоочулары митингге чыгар-чыкпасын айтты
12:45
Өзбекстанга караңгылатылган айнек менен баргандар айыпка жыгылмай болду
18:11
Гендер боюнча эксперт Гульсана Абытова: “Боюнда бар деген жасалма справка жасатып алып, 18ге чыга элек кыздарын турмушка бергендер көбөйдү”
16:54
Боронов акыркы 9 жылда Кытайдын канча жараны КР жарандыгын алганын айтты
12:42
Кыргызстан 90 миң долларга суюк азот иштеп чыкчу жабдуу сатып алды
12:29
УКМК: Сапар Исаков ТЭЦти оңдоодо мамлекетке 111 млн. доллар чыгым келтирген
11:21
ОСАГО полисин албагандарды айыпка 7-августтан тарта жыгуу сунушталды. Себеби
10:04
ОСАГО: камсыздандыруу компанияларынын даректери жана телефондору
10:03
Премьер: түкүрүк боюнча айыпты карап чыгыш керек. Видео
11:46
Бишкекте троллейбус менен автобустун айдоочусу мушташкан окуянын чоо-жайы
10:11
ОСАГО тутуму кантип иштейт? Мамфинкөзөмөлдүн түшүндүрмөсү
10:08
Жети батирди бөлүшө албай түрмөгө түшкөн бир туугандар. Адвокат менен маек
10:03
Үч күн ичинде 15 мас айдоочуга ири көлөмдө айып пул салынды
10:00
Таластагы жол кырсыктан айдоочунун 2 жашар кызы менен жүргүнчү аял набыт болду
14:53
Жаңырган мыйзам жаңы тартип орното алабы?
13:42
Мынча киреше табам деп ойлогон эмесмин. Бишкектик айымдын бизнестеги баяны
13:40
Импотенция жаш-карыга карабайт. Оорунун себептери тууралуу
13:38
Ысык-Атада жаш келиндин сөөгү табылды
13:37
Абылгазиев: айып пулдун жогорулатылышы - кырсыктын алдын алуу чараларынын бири
13:24
Кыргызстанда канча киши жашайт, канчасы бала, канчасы жакыр? Статкомдун отчету
11:10
Мас болуп айдасаңыз эми... 55 миң сомго чейин айып төлөйсүз. Жаңы эреже күчүнө кирди
14:58
Балага сүйүнчү эки күндүн ичинде бир эле документ менен бериле баштайт
14:51
Жаңы жылда борбордук аянтта 2 миңден ашык милиционер кызмат өтөйт
09:55
Прокуратура: Улуттук университеттин кызматкерлери 1,5 млн. сомду кымырып алган
09:30
Ажылык-2019: кыргызстандыктарды ташый турчу авиакомпаниялар тандалат
09:24
Бишкекте жол кырсыгы көп катталган кесилишке жол чырак орнотулду
09:10
Сания Шакированын өлүмүнө күнөөлү делген киши сот өкүмүнө нааразы. Сот иши уланат
15:26
Согушта көз жумган аталардын бейитине бара албай... ЖКда маселе көтөрүлдү
15:24
Парламентте Ысык-Көл визасын киргизүү сунушталды
15:24
Жээнбеков: соттук процесстин видеосун каалаган адам көрө алгыдай болушу керек
15:14
Тоңдо кайык оодарылып кетип, 57 жаштагы киши набыт болду
15:08
Жаңы жылда жарыксыз калбаңыз! "Түндүкэлектр" эскертүү берди
Бардык кабарлар

Манас Ниязов: аябай ызаланып калгам, бул мелдешти сөзсүз утуш керек болду

Спорт
661
0

Жеңиш күнүнө арналган көк бөрү боюнча республикалык мелдештин жогорку лигасынын финалында Ош облусунун "Достук" командасы Талас дубанынын "Ынтымак" командасын жеңип, көптөн күткөн өлкө чемпиону титулуна ээ болду. Анда командага жеңиш алып келген үч улактын баарын тайказанга Манас Ниязов таштады. Ошондой эле ал "Мыкты оюнчу" наамын да утуп алган.

Көк бөрүчү менен мелдештен кийин Sputnik Кыргызстан агенттигинин кабарчысы Эламан Карымшаков маектешти.

— Жеңиш кут болсун, Манас мырза! Оюнда жеңишти камсыздаган үч улактын баарын сиз таштадыңыз, буга таң калгандар көп болууда.

— Соңку кырдаалдарга аябай ызаланып калгандыктан, бул мелдешти сөзсүз утуш керек болду. "Ынтымак" күчтүү команда, оюнчулары да катуу ойношту. Негизинен кыл чайнашкан беттеш болду десем жаңылбайм.

Кээде бир улакчынын колу жибип кетет да, эңсең илешпей, ыргытканың тайказанга түшпөй колуң жүрбөй калат. Кечээ менин колум жибип, оомат келген экен. Улак колго тийип, ыргытканда эле түшүп турду. Албетте, бул командалык оюн болгондуктан мында баарынын эмгеги бар. Айбек Темирбаев жекеме-жекеде өзгөчө чеберчилик менен улакты алып чыгып мага ашырып жатты.

Игрок национальной сборной по кок-бору Манас Ниязов
© ФОТО / ФЕДЕРАЦИЯ КОК-БОРУ КР
Игрок национальной сборной по кок-бору Манас Ниязов

— Бул мелдешке "Достук" комадасы канча убакыт даярданды?

— Негизи команда бир айдан ашык даярданды. Мен оюндан бир күн мурун гана келип кошулдум. Ортодогу түшүнбөстүктөрдөн улам ушундай болуп калды.

— Көк бөрүдө аргымак негизги ролду ойнойт эмеспи. Сиз минген "Бойканын" мүнөзү кандай, аны башка адамдар мине алабы?


— Ноорузда "Бойканы" кичине семизирээк чыгарып алып бир аз кыйналгам. Мында эт таштап табына келип калгандыктан жакшы оюн көргөздү. Анын мүнөзү катаал, оозу абдан катуу, оңой менен баш бербейт. Адамды алып качмай жайы бар. Былтыр Астанадагы көк бөрү чемпионатына мен барбай калып, атымды алып кетишкен. Ал жакта беш-алты бала минип көрүп, анча эптей албай коюшкан. Анын тилин мен гана таптым көрүнөт, экөөбүз бири-бирибизге көнүп калганбыз. "Бойка" мен үчүн жаралган окшойт деп ойлоп кетем. Учурда алты жашта, аны үч жылдан бери чаап жүрөм. Биринчи мингенде эле мыкты ат болорун сезгем.

 

— Кечээ тайказанга улак таштаган сайын өзүңүз ыргып түшүп жаттыңыз. Жаракат алган жоксузбу?

— Бул чечүүчү оюн болгондуктан, жаныңды берип ойношуң керек. Болгон күч-аракетимди жумшап жаттым. Ден соолугума зыян келген жок. Кудай сактасын, аламан улакта да, көк бөрүдө да буга чейин оор жаракат алган учур болгон эмес.

— Сиз катышкан кайсы мелдештер менен сыймыктанасыз?

— 2016-жылы Дүйнөлүк көчмөндөр оюндарында Казакстандын курама командасы менен болгон беттеш өзгөчө эсимде калды. Анда финалда төрт жолу улак таштап мелдештин жалпы жыйынтыгы менен "Мыкты чабуулчу" наамына ээ болгом. Эми III Дүйнөлүк көчмөндөр оюндарына даярдана баштайбыз.

— Кыргызстандан башка өлкөгө да барып турасызбы?

— Агаларым менен Өзбекстан, Тажикстанга чейин барып аламан улак чаап келебиз. Ал жакта да көп досторубуз бар. Кыш түшөрү менен күн кур эмес, ар жакта аламан улак өтүп үйгө турбай калабыз. Анда өзүмдүн атымды бир күн чапсам, кайра 10 күндөй эс алдырып, башка бирөөлөрдүн аты менен чыгам. Ал эми "Бойка" команданын аты болгондуктан, көк бөрүгө гана минем.

— Көк бөрүдөн сырткары башка жумуш менен алектенесизби?

— Өзгөндө айылдык кеңештин депутатымын.

Игрок команды Достук Манас Ниязов во время игры на турнире по кок-бору по случаю празднования Нооруза в Бишкеке
© SPUTNIK / ТАБЫЛДЫ КАДЫРБЕКОВ
Турнир по кок-бору по случаю празднования Нооруза в Бишкеке

— Башка дагы кайсы спорттун түрүнө кызыгасыз?

— Кээде футбол ойноп турам.

— Мелдештерге даярдыктарды кантип өткөрөсүздөр?

— Улак тартуудан сырткары машыгуу залдарына барабыз, тоого чыгып чуркайбыз. Ушундай жолдор менен булчуңдарды, дене мүчөнү бир калыпта сактайбыз.

— Сизге Кыргызстандын башка командаларынан же Казакстандан чакыруу түшкөн эмеспи?

— Казакстандан сунуш түшкөн эмес, бирок биздин башка командалар чакырышкан. Баарынан баш тартып келем. Намыс керек да.

— Кыргызстандагы көк бөрүчүлөрдүн арасындан кимди өзүңүзгө негизги атаандаш деп эсептейсиз?

— Азыр күчтүү оюнчулар көп, бирөө-экөөнү бөлүп айтуу кыйын. Оюн талаасында менин позициям чабуулчу, бул жолдо көбүнчө "Ынтымактын" Сейитбек Анарбек уулу, Нуржан Мелисбек уулу деген чабуулчулары менен кармашып калам.

Игрок команды Достук Манас Ниязов во время игры на турнире по кок-бору по случаю празднования Нооруза в Бишкеке
© SPUTNIK / ТАБЫЛДЫ КАДЫРБЕКОВ
Турнир по кок-бору по случаю празднования Нооруза в Бишкеке

— Бир тууган агаларыңыз да улак чабат. Алар эң кичүү инисинин күчтүү чыгышына кандай баа беришет?

— Чынын айтканда агаларым менден күчтүү. Байыш агам мага аябай жакшы жардам берип, көп нерселерди үйрөтүп турат. Анан, албетте, ар бир жетишкен ийгиликтериме кубанып алкап турушат.

— Улак чаап баштагандан тарта аламан улактан, көк бөрүдөн уткан байгелериңизди эсептеп көрдүңүз беле?

— Анысы белгисиз. Орто эсеп менен алганда бир жылда аламан улактан эле төрт-беш машина, 20 тай, 10 төө, 10 торпок жана башка акчалай сыйлыктарды утам.

— Ата-энеңиз тууралуу айтып берсеңиз.

— Атам 64, апам 63 жашта. Алар айылда дыйканчылык, мал чарбачылыгы менен алектенип келишкен. Ата журт тараптан да, тага журт жактан да көп улакчылар чыккан. Атам өзү да улак чабат. Демек бул менин канымда бар десем болот.

— Социалдык тармактарда сизге кат жазгандар көп болсо керек. Алар сизден көбүнчө эмне жөнүндө сурашат? Жооп берип сүйлөшүп турасызбы?

— Ооба. Жазгандар аябай эле көп. Казакстандык кыздар да жазып калышат. Мен тууралуу билгенге кызыгып көп суроо беришет. Айрым учурда сүйлөшүп коём, бирок баарына тегиз жооп бере албай калам.

Игрок команды Достук Манас Ниязов во время игры на турнире по кок-бору по случаю празднования Нооруза в Бишкеке
© SPUTNIK / ТАБЫЛДЫ КАДЫРБЕКОВ
Турнир по кок-бору по случаю празднования Нооруза в Бишкеке

— Күйөрман кыздарыңыздын көп экени байкалып турат. Учурда сүйлөшкөн кызыңыз барбы, дегели үй-бүлө курууну качанкыга пландадыңыз?

— Азыр жеке жашоо жөнөндө айтпай эле койгонум туура болот го. Негизи быйыл күздө үйлөнөйүн деп жатам.

— Күйөрмандарыңызга кеңеш катары айтып кетсеңиз, мыкты улакчы болуу үчүн эмне кылыш керек?

— Улакчы болуу үчүн адегенде улак чаап гана машыгуу керек. Анан атты көп миниш керек. Калганы акырындык менен жолго түшөт.



Дагы: https://sputnik.kg/sport/20180511/1039101549/ulakchy-manas-niyazov-menen-maek.htmlскачать dle 11.0фильмы бесплатно