Киевдеги Подольский соту "РИА Новости Украина" порталынын жетекчиси Кирилл Вышинскийдин абакта калуу мөөнөтүн дагы узартты. Бул туурасында РИА Новости анын жактоочусу Андрей Доманскийге таянып кабарлады.
"Анын абакта калуу мөөнөтүн сот 22-июлга чейин узартты. Сот анын баш коргоо чарасын өзгөртүү боюнча сунушту кабыл алуудан баш тартты", — деген адвокат.
Эске салсак, Украинанын Башкы прокуратурасы 2015-жылы Россиянын жарандыгын алган, "РИА Новости Украина" агенттигинин журналисти Кирилл Вышинскийди 15-май күнү колго түшүрүп, аны мамлекетке чыккынчылык кылды деген айып менен жоопко тарткан. Вышинскийди 15 жылга эркинен ажыратуу каралган.
Херсон соту аны 17-майда камакка алуу чечимин чыгарган. Журналист Россия лидери Владимир Путинге жардам сурап кайрылган. РФ президенти анын камакка алынышын сындап, Москва Киевге басма сөз өкүлдөрүн басым көрсөтүүнү токтотууну талап кылган нота жиберген.