Америкалык сенаторлор испан тилиндеги Sputnik жана RT телеканалдарына көзөмөлдү күчөтүүнү талап кылууда. Анткени алар латын америкалыктардын окуялар тууралуу объективдүү маалымат алып жатканына тынчсызданууда. Бул тууралуу Россиянын АКШдагы элчилигине шилтеме берип РИА Новости жазды.
Шаршемби күнү АКШ Сенатынын Эл аралык байланыштар боюнча комитетинин төрагасы Роберт Менендес, сенаторлор Билл Кэссиди менен Тим Кейн Meta*, Twitter жана Telegram компанияларынын башкы директорлорун RT жана Sputnik ЖМКларынын испан тилиндеги версиялары тараткан контентке "модерацияны күчөтүүгө" чакырышты.
"Парламентарийлер адаттагыдай эле россиялык маалымат агенттиктери "дезинформация таратуу", "демократияны бузуу" жана "башаламандык жаратуу" менен алектенет деп элди ишендирүүгө аракет кылып жатышат. Анын үстүнө жаңылыктардын сапаттуу жана өз убагында берип жаткандыгы үчүн аудитория дал ушул RТ менен Sputnik агенттиктерин тандоодо. Бул нерсе бийликке тынчтык бербей келет", — деп айтылат элчиликтин билдирүүсүндө.
Июнь айында Microsoft компаниясы Sputnik жана RT сыяктуу чет тилдердеги маалыматтарды жарыялаган россиялык ЖМКлардын рейтинги өскөндүгүн өз отчётунда айткан. Буга ЖМКларга коюлган бөгөттөр дагы тоскоол боло алган эмес. Маалыматка ылайык, Россиянын Украинадагы атайын операциясы башталгандан бери көрүүчүлөрдүн саны өсүп отуруп, ай сайын 60 миллионго жакын адам кошулуп жатат. Муну АКШдагы айтылуу Wall Street Journal басылмасынын аудиториясы менен салыштырууга болот.
Евробиримдик 2-мартта Россиянын Украинаны демилитаризациялоо операциясынын фонунда RT жана Sputnik ЖМКларынын сигналын таратууга тыюу салган. Атап айтканда, бул чечим RT - Russia Today English, RT - Russia Today UK, RT - Russia Today Germany, RT - Russia Today France и RT - Russia Today Spanish жана Sputnik радиосуна тиешелүү болгон.