Аталган кызматка Банганын талапкерлигин АКШ президенти Жо Байден көрсөткөн. Ал 10 жылдан ашуун Mastercard Inc. трансулуттук финансы корпорациясынын эл аралык төлөм системасын тескеп, 2021-жылы жумуштан кеткен. The Wall Street Journal Банганын жетекчилиги алдында компания болуп көрбөгөндөй ийгиликке жетишкенин жазды. Mastercard корпорациясынан кийин ал General Atlantic инвестициялык компаниясынын вице-президенти болгон.

Аджай Банга климаттын өзгөрүшү жана финансылык жеткиликтүүлүк көйгөйүн чечүү үчүн мамлекеттик-жеке өнөктөштүктү уюштурууда жана жөнгө салууда зор тажрыйбага ээ экени айтылат.

Дүйнөлүк банкка адатта талапкерлигин АКШ президенти сунуштаган америкалык жаран дайындалат. Банктын мурунку жетекчиси Дэвид Малпас иш ордун мөөнөтүнөн бир жыл мурун бошотуп берди. Кызматтан кеткен себеби айтылган жок.

Аджай Банга Дүйнөлүк банктын президенти болуп беш жылдык мөөнөткө шайланды.

 

Источник: https://sputnik.kg/20230504/dujnoluk-banktyn-bashchysy-almashty-1074983054.html